ಮುದ್ರಣ ಆಯಿ ಬೂಕು ಆದುಂಡು. ನೆಟ್ಟ 21 ಭೂತೊಲೆ ಪಾಡ್ಡನ ಇಜ್ಜಾಂಡ
ಕತೆಕ್ಕುಲು ಉಂಡು, ಈ ಬೂಕುಗು ಪಾಡ್ಡನ ಪಂಡ್ ಪುದರ್ ದೀತ್‌ಂಡಲಾ ನೆಟ್
ಉಪ್ಪುನವು ಪೂರಾ ಪಾಡ್ಡನ ಅತ್ತೆ, ಕೆಲವು ಪಾಡ್ಡನ ರೂಪೊಡು ತೋಜಿಂಡಲಾ
ಕೆಲವು ಕತೆ ರೂಪೊಡುಲಾ, ಕೆಲವು ಭೂತೊಲು ಸೃಷ್ಟಿ ಆದ್ ತನ್ನುಲೆ ಕಾರ್ನಿಕ
ತೋಜಾವೊಂದು ಆರಾಧನೆ ಮಲ್ಲೊನಂಚಿ ವಿಚಾರೊನು ತೆರಿಪಾವುಂಡು.
ಮೆನ್ನರ್‌ನ `ಪಾಡ್ಡನೊಲು' ಪುಸ್ತಕೊಡುಪ್ಪು ಸುರುತ್ತ ಬೊಬ್ಬರ್ಯ
ಪಾಡ್ಡನೊಡು ಬೊಬ್ಬರ್ಯನ ಆದಿ ದೀವು(ಲಕ್ಷದೀಪ) ಪುಟ್ಟುದಿನ ಗೋವೆಡ್
ಬಳತಿನಿ ಕೊಚ್ಚಿಡ್ ಅಮ್ಮೆ ಪಾತ್‌ಮ ಅಮ್ಮೆ ಸುಲಿಕಲ್ಲ ಮುರವ ಬ್ಯಾರಿ ಅಕಲೆಗ್
ಕಾಯಿರಿ, ಕಲಸಪ್ಪೆ, ಗೆಂಡ ಬೊಮ್ಮಾಯೆ, ಸಿಂಕಿರಿ ಸುವುಣೆ, ಸುಮುಣೆ ಅನಂತೆ,
ಸರಪೊಳಿ, ಸುಣ್ಣ ಜಾನುನಾಯಿಕೆ ಪನ್ಸಿ ಮುದರ್‌ದ ಏಳ್ ಜನ ಬಾಲ್ಲು ಪಂಡ್
ಬರೆಪುಂಡು, ಈ ಪಾಡ್ಡನ/ಕತೆಟ್ ಜೋಕುಲು ಬರವು ಕಲ್ಪುನ ವಿಚಾರೊಲು
ಉಂಡು ನೆಟೆ ತಾಳೆಗರಿತ್ತ ಬರವು, ಹೊಯ್ಯದ ಬರವು, ಪಲಯದ ಬರವು ಇಂಚ
ಅಪಗದ ಕಾಲದ ಬರವು ಕಲ್ಪುನ ಒಂಜಿ ವಿವರ ಉಂಡು. ಓಡ/ಕಟ್ಟುನ ವಿಚಾರೊಡು
ಓಡೊಗು ಮರ ಅಜಮನು ಐನ್ ಕಟ್ಟುನ ವಿಚಾರೊಲು ವಿವರವಾದ್ ಇತ್ತಂಡ
ಬೇರೊಗಾದ್ ಅವೆನ್ ತಯಾರ್ ಮಲ್ತ್‌ದ್ ತಿಂಗೊಲುಕಟ್ಟೆ ಊರೂರು ಬೇರೊಗು
ಪೋಪಿನ ವಿಚಾರ ಉಂಡು. ಬೇತೆ ಬೇತೆ ಊರುಗು ಮಂಜಿಡ್ ಪೋದು ಒಣಸ್
ತಿನಸ್‌ದ ಸಾಮಾನುಲು ಅತ್ತಂದೆ ಬೊಳ್ಳಿ ಬಂಗಾರ್‌ದಂಚಿ ಬೇತೆ ಬೇತೆ ನಮೂನೆದ
ಬೇರ ಮಲ್ಲುನವು, ದುರಂತೊಡು ಆ ಮಂಜಿ ಪುಡಾದ್ ಅಕುಲು ಕಡಲ್ ಪಾಲಾಪಿನ
ಕತೆ ಉಂಡು, ಬೊಬ್ಬರ್ಯ ಭೂತ ಉಂಡಾಯಿನ ಬೊಕ್ಕ ಆರಾಧನೆದ ಬಗೆಟ್
ವಿವರ ಉಂಡು, ಬೇತೆ ಬೇತೆ ಊರುಡು ಕಲೆ ತೋಜಾವೊಂದು ನಿಲೆ ಆದ್
ಆರಾಧನೆ ಪಡೆವೊನ್ನ ವಿಚಾರೊಲೆನ್ ತೆರಿಪಾಪುಂಡು. ಕಡಂಜಾ, ಕೊಡಿಮಲೆ,
ಪಳ್ಳಿದ ಪಳ್ಳಿ, ಕುಂಬಳೆ, ಪಂಜಿಮಾ, ಮ‌ಮಾಲೆಗುಂಡಿ,ತಂಬಡಗುಂಡಿ, ತಾರಡಿ
ಪರಿವು(ಎಡನೀ) ಮಡಂಬೈಲ್ ಉದ್ಯ, ಸೊನ್ನೆದಂಗಡಿ ಇಂಚ ತುಳುನಾಡ್‌
ಮಸ್ತ್ ಊರುಳಿ ಪುದರ್ ಬರ್ಪಿನವು ಅತ್ತಂದೆ ಬ್ಯಾರಿ, ಶೆಟ್ಟಿ, ಮರಕಲೆ,
ಅಚ್ಚವನ್(ಆಚಾರಿ) ಪೂಜಾರಿ, ಬೈದ್ಯೆ, ಬಾರಗೆರ್, ಬಲ್ಲಾಳೆ, ಬ್ರಾಣೆ ಇಂಚ ಮಸ್ತ್
ಜಾತಿದ ಪುದರುಲು ಬರ್ಪುಂಡು, ಬೇರ, ಬರವು, ಧರ್ಮ ಸಾಮರಸ್ಯದ, ಊರುದ
ಪುದರುಲು ಅದ್ಯಯನ ಮಲ್ಪೆರೆ ಈ ಪಾಡ್ಡನ ಒಂಜಿ ಅಕರನೇ ಅಂದ್. ಉಂದುವೇ
ಪಾಡ್ಡನ ಎ.ಸಿ. ಬರ್ನೆಲ್‌ನ ಬೂಕುಡು Story of Bobbarye ಪಂಡ್
ಇಂಗ್ಲಿಷ್‌ ಕತೆಲಾ ಉಂಡು ತುಳುನು ಇಂಗ್ಲಿಷ್‌ಡ್ ಲಿಂಪ್ಯಂತರವಾಾ ಪ್ರಕಟ
ಆತ್‌ಂಡ್.
40 ತುಳುನಾಡಿನಲ್ಲಿ ಬಾಸೆಲ್ ಮಿಶನ್ ಮತ್ತಿತರ ಲೇಖನಗಳು...
