ಏತೋ ಪ್ರಯೋಗೊಳೆ ನ್ ಆರ್ ಮಲ್ತೆರ್ . ವಿದ್ವಾಂಸೆಲ್ಲಾ ಅರ್ಥದಾರಿಲಾ ಆಯ್ಕೆಟ್ಸ್, ಭಾಗವತಿಕೆಗ್ ಬೋಡಾಯಿನ ಅರ್ಥಜ್ಞಾನ ಆರೆಗಿತ್ತ್ಂಡ್, ಆಟದ ಭಾಗವತಿಕೆಡ್ಲಾ ಹಿಡಿತ ಇತ್ತಿನ ಆರ್, ಹಂಪನಕಟ್ಟೆ ಮೇಳೊ ದ, ಬೋಳೂರು ಮೇಳೊದ ಆಟೊಲೆಗ್ ಭಾಗವತೆರಾದಿತ್ತೆರ್. ಹವ್ಯಾಸಿಲೆನ ಆಟೊಲೆಗ್ಲಾ ಭಾಗವತಿಕೆ ಮಲ್ದೆರ್ . ಭಾಗವತಿಕೆದ ವಿಷಯೊಡು ಪನ್ನುನ ಬೊಕ್ಕ ಮಲ್ತ್ ತೋಜವುನ ರಡ್ಜ್ ಮಾರ್ಗೊಡುಲಾ, ಅಂಚನೆ ಕಲ್ಪಾವುನೆಟ್ಲಾ ಸಾಮರ್ತಿಗೆ, ಇಂಚ ಭಾಗವತೆ - ತಜ್ಞೆ - ಗುರು ಈ ಮೂಜಿ ಲೆಕ್ಕೊಡುಲಾ ಆ ಒರಿ ಮುಖ್ಯ ಕಲಾವಿದೆ. ಅರ್ಥದಾರಿಯಾದ್ ಮಂದಾರರ ಸಾದನೆಲಾ ಮಲ್ಲೆ. ಭಾಗವತಿಕೆ, ಅರ್ಥ ಈ ರಡ್ಡೆನ್ಲಾ ತೆರಿದಿನಕ್ಲೆಡ್ , ಸಾಮಾನ್ಯವಾದ್, ಒಂಜಿ ವಿಭಾಗೊಡೇ ಹೆಚ್ಚ ಬಿರ್ಸೆರಾದ್, ಬೊಕ್ಕೊಂಜೆನ್ ಸುದರಿಪುನಕ್ಕು ಆದಿತ್ತಿನ ಕಲಾವಿದರೇ ಹೆಚ್ಚ. ಮೆರೆಗ್ ರಡ್ಡೆಟ್ಟಲಾ ಒಂಜೇ ಮಟ್ಟ್ ದ , ಜ್ಞಾನ ಇತ್ತ್ಂಡ್. ಬಹುಶಃ ಅರ್ಥಗಾರಿಕೆ, ಭಾಗವತಿಕೆ ರಡ್ಡೆಟ್ಲಾ ಮಿತ್ತ ಮಟ್ಟದ ಸ್ಥಾನೊಗು ಮುಟ್ಟಿನ ಕೆಲವೇ ಕಲಾವಿದೆರೆಡ್ ಮೇ ಒರಿ ಅರ್ಥದಾರಿಕೆಡ್, ಮಂದಾರರ ಸಾದಿ, ಆರವೇ ಸಾದಿ. ಏರೆಲೆಲ ಅತ್ತೆ. ಆರೆನ ಮುಖ್ಯ ಲಕ್ಷ್ಮ ಪಾತ್ರ ಚಿತ್ರದೊಡು ಬೊಕ್ಕ ಸಂಭಾಷಣೆಡ್. ಚರ್ಚೆ ಆರೆಗ್ ಮುಖ್ಯ ಅತ್ತ್. ಆ ಪಾತ್ರಲಾ, ಸನ್ನಿವೇಶಲಾ ಪಾತೆರೊಡು ನಿರ್ಮಾಣ ಆವೊಡುನ್ನಿನವು ಆರೆನ ದೃಷ್ಟಿ, ಚುಟುಕು ಚುರುಕು ಶೈಲಿ, ಗಾಂಭೀರ, ಸ್ವಾರಸ್ಯ, ಹಾಸ್ಯ, ರಭಸ ಮಾತ ಸೇರಿತ್ತಿನ ಆರೆನ ಅರ್ಥಗಾರಿಕೆಡ್ ವಾದ, ಚರ್ಚೆಗ್ ಪ್ರಾಶಸ್ತ್ರ ಇತ್ತೀಜಿ, ಸ್ವರ ಮಧ್ಯಮ ರೀತಿದವು. ಅತಿಕಾಯೆ ಸಂಧಾನೊದ ಕೌರವ, ಧರ್ಮರಾಜೆ, ಕರ್ಣ ಪರ್ವದ ಶಲ್ಯ, ರಾಜಸೂಯೊದ ಮಾಗಧೆ, ಶರಸೇತು ಭಂಗೊದ ಅರ್ಜುನೆ, ಹನುಮಂತೆ, ಸುಧನ್ವ, ಸುಗ್ರೀವ, ಭೀಷ್ಮಾರ್ಜುನದ ಕೌರವ, ವಿಭೀಷಣ ನೀತಿದ ವಿಭೀಷಣೆ, ಪಂಚವಟಿತ ರಾಮೆ ಉಂದು ಮಾತ ಆರೆನ, ಪುದರ್ ಪೋಯಿ ಆರ್ಥೊಲು. ಆರೆ ಒಟ್ಟುಗು ಅರ್ಥ ಪನ್ನಗ ಸಂಭಾಷಣೆಗ್ ಭಾರೀ ಅನುಕೂಲನ್ನುನವು ಈ ಲೇಖಕನ ಸೊಂತ ಅನುಭವ, ಪದೊಡ್ಡು ಪದ್ಯೋಗು, ಶಬ್ಲೊಡ್ಡು ಶಬ್ಲೊಗು ಸಂಭಾಷಣೆನ್ ದಿಂಜಾವೊಂದು ಪೋಪಿನ ಆರೆನ ಕ್ರಮ, ಅರ್ಥ ಕಲ್ಪುನಕ್ಲಗ್ಲಾ, ತೆರಿದಿನ ಅರ್ಥದಾರಿಲೆಗ್ಲಾ ಆದರ್ಶ. ಒಂಜಿ ಪಾತ್ರೆದ ಸ್ಥಾಯೀಭಾವೊ ಆರೆನ ಚಿತ್ರದೊಡು ಮುಖ್ಯ. ಈ ದೃಷ್ಟಿಡ್ ಆರನ ಅರ್ಥಗಾರಿಕೆಡ್, ಎಂಕ್, ವಿಶೇಷಂದ್ ತೋಜಿನ ಕೆಲವು ಪಾತೊಳನ್ ಮಾತ್ರ ಮೂಲು ಪನ್ನೆ- ಆರೆನ ಜರಾಸಂಧೆ ಪಂಡ, ತನ್ನನ್ ವಾದೊಡು ಸಮರ್ಥನೆ ಮಲ್ಲೊನುನಾಯೆ ಅತ್ತೆ. ಮಲ್ಲ ಪಾತೆರೊಲು, ದಡಿ, ಜಬರ್ದಸ್ಡೇ ಬಾಯಿ ಮುಚ್ಚವುನಾಯೆ. 'ದಾನೇಂದ್ ಎಣ್ಣೆವ?' 'ರಾಜಧರ್ಮ ಪಂಡ ದಾನೆ?' ಜರಾಸಂಧನ ಆಸ್ಥಾನೊಡು ಉಂತುದು ಇದ್ ಪಾತೆರನ?' - ಉಂದೇ ಆಯನ ವಾದ! ಉದ್ದೇಶ ದಾನೆ ಪುಂಡ - ಜರಾಸಂಧೆ ತಾಜಾ ದುಷ್ಟೆ, ವಾದೊ ಮಲ್ಪುನಾತ್ಲಾ ಸಜ್ಜನಿಕೆ ದಾಂತಿ ಮದೋನ್ಮತ್ತೆ ಅಂದ್ ತೋಜವುನವು ಆರೆನ ದೃಷ್ಟಿ, ಪಾತ್ರ ಚಿತ್ರಣದ ತತ್ತೊ. ವಾದ ಮಾಂದೆನೆ ಬಾಯಿ ಹಾಕುನವು ಜರಾಸಂಧತ್ವ ಅಂದ್ ಆರೆನ ಒಂಜಿ ಕಲ್ಪನೆ. ಭೀಷ್ಮಾರ್ಜುನದ ಬೊಕ್ಕ ಪಾರ್ಥಸಾರಥ್ಯದ ಕೌರವ, ಆರೆನ ಅರ್ಥಗಾರಿಕೆಡೆ ಬಾರಿ ಉತ್ತಮವಾಯಿನ ರಡ್ 25
Page:ಮಂದಾರ ಕೇಶವ ಬಟ್ರ್.pdf/33
This page has not been proofread.
![](http://upload.wikimedia.org/wikipedia/commons/thumb/7/7c/%E0%B2%AE%E0%B2%82%E0%B2%A6%E0%B2%BE%E0%B2%B0_%E0%B2%95%E0%B3%87%E0%B2%B6%E0%B2%B5_%E0%B2%AC%E0%B2%9F%E0%B3%8D%E0%B2%B0%E0%B3%8D.pdf/page33-820px-%E0%B2%AE%E0%B2%82%E0%B2%A6%E0%B2%BE%E0%B2%B0_%E0%B2%95%E0%B3%87%E0%B2%B6%E0%B2%B5_%E0%B2%AC%E0%B2%9F%E0%B3%8D%E0%B2%B0%E0%B3%8D.pdf.jpg)