ಒಂಜಿ ಅಭಿಪ್ರಾಯ ಉಂಡು. ಈ ಅಭಿಪ್ರಾಯ ಒಂತೆ ಮಟ್ಸ್ಡ್ ಸರಿ. ಆಂಡ, ಮಂದಾರ ರಾಮಾಯಣೊನು ತೂವೊಡಾಯಿನ ದೃಷ್ಟಿ ಬೇತೆ. ಆವೊಂಜಿ ಭಾಷಾ ಮಹಾ ಕಾವ್ಯ, ಭಾಷಾ ಪ್ರಯೋಗ, ಬಾಸೆದ ಜಾನಪದ ಸತ್ವ, ಪೊರ್ಲುಲೆನ್ ತೋಜವುನವೇ ಅಯ್ತ ಮುಖ್ಯ ಉದ್ದೇಶ. ಆ ಮಟ್ಸ್ಡ್ ಅವು ಯಶಸ್ವಿ ಆತ್ಂಡ್. ಕವಿ ಕಯ್ಯಾರ ಕಿಞ್ಞಣ್ಣ ರೈಕ್ಕುಲು ಮುನ್ನುಡಿಡ್ ಪಂಡಿಲೆಕ್ಕ "ತುಳು ಜನರ ಸಾಹಿತ್ಯಾಸಕ್ತರ ಭುವನದ ಭಾಗ್ಯವೆಂಬಂತೆ" ಮಂದಾರ ರಾಮಾಯಣ ರಚನೆ ಆತ್ಂಡ್. ಕವಿ ದೀವೊಣ್ಣಿನ ಉದ್ದೇಶನು ಸರಿಯಾದ್ ಕೋಡಿ ಎತ್ತಾವುನ ಕೆಲಸ ಮಲ್ತದೆ. ಬೀರದ ಬೊಳ್ಳು ಕೇಶವ ಬಟ್ರನ ನನೊಂಜಿ ಮಲ್ಲ ಕಬಿತೆ "ಬೀರದ ಬೊಳು" (ಪ್ರಕಟಣೆ 1997) ಉಂದು ರಾಮಾಯಣೋಡ್ ಆಕಾರೊಡು ಎಲ್ಯ ಆಂಡಲಾ, ಯೋಗಿತೆಡ್ ಅಯ್ಕ್ ಸರಿಯಾದ್, ಅತ್ತ್. ಕೆಲವು ಮಟ್ಸ್ಡ್ ಅಯ್ಡ್ ಮಿತ್ತೆ ಉಂಡು, ಮಂದಾರ ರಾಮಾಯಣ ಓಳು ಉಂತುದುಂಡ, ಅಲ್ಪಡ್ಜ್ ಬೀರದ ಬೊಳು ಸುರುವಾಪುಂಡು, ಮಂದಾರ ರಾಮಾಯಣದ ಕಡೆ ಬಾಗೊದ ಪುದರ್ "ಪರ ಬೂಡುಗು ಪೊಸ ಬೊಳು" ಈ ಕಾವೊದ ಪುದರ್ "ಬೀರದ ಬೊಳು"! ಒಂಜಿ ಕಾವೊ, ದಾನೆ ಸಾದಿಪೊಡುಂದ್ ಪಂಡ್ದ್ ಇತ್ತ್ಂಡ, ಅವೆನ್ ಕವಿ ನೆಟ್ ಪೂರ್ತಿ ಮಲ್ಪೆರೆ ತೂತೆರ್ಂದ್ ಈ ಪುದರ್ಡೇ ಅರ್ತ ಆಪುಂಡು, ಪರ ಬೂಡ್ಗ್ ಪಂಡ, ರಾಮಾಯಣ, ಭಾರತ ಇಂಚಿತ್ತಿ ದುಂಬುದ ಕಥಾವಸ್ತುಲೆಗ್ ಪೊಸ ಬೊಳ್ಳು, ಪಂಡ ಪೊಸ ಅರ್ತೊನು, ಪೊಸ ನೋಟೊನು ಕೊರ್ಪಿನ ಇರಾದೆ ಮೂಳು ಸ್ಪಷ್ಟ ಆಪುಂಡು. ಪದಿಮೂಜಿ ಅದ್ಯಾಯೊದ ಬೀರದ ಬೊಳ್ಳು, ಬೇತೆ ಬೇತೆ ಛಂದಸ್ಸೇಡ್ ಬರತಿನವು. ಮಿಶ್ರ ಛಾಪು ನಡೆ ಸಂದಿದ ಒಂಜಿ ಮಟ್ಸ್, ಸಾಂಗತ್ಯ, ಚೌಪದಿ, ದ್ವಿಪದಿ, ಮಿಶ್ರ ರಗಳೆ, ಲಲಿತ ರಗಳೆ, ಇಂಚ ಬೇತೆ ಬೇತೆ ಧಾಟಿಲೆಡ್ ಓದರಲಾ, ಪದ ಪಣ್ಯರಲಾ ಅನುಕೂಲವಾದುಂಡು ಮಾತ್ರ ಅತ್ತ್, ದಾಟಿ, ಛಂದಸ್ಸಿಲೆನ್ ಭಾವನೆಗ್ ಸರಿಯಾದ್ ಜೋಡಣೆ ಮಲ್ತ್ಂಡ್, ಬಾಲಕೃಷ್ಣನ ಕತೆನ್ ದೆತೊಂದು, ಆಯನ ಬೀರದ ಮೂಲಕ ಲೋಕೋಗು ಎಂಚ ಬೊಲ್ಪು ಬತ್ತ್ಂಡ್ಂದ್ ಚಿತ್ರಣ ಮಲ್ಪುನವು ಈ ಕಾವೊದ ವಿಷಯ. ಬೀರ ಇಪ್ಪುನು ಬೊಳ್ಳು ತೋಜವೆರೆಗ್ ಹೊರತ್ ಮುರ್ತಾಪುಗತ್ತನ್ನುನ ಕೃಷ್ಣನ ಜೀವನ ತಮ್ಮ ಎಂಚ ಆಯನ ಜೊಕ್ರಾಟಿಗೇಡೆ ತೋಜೊಂದು ಬತ್ತ್ಂಡ್ಂದ್ ಈ ಕಾವ್ಯ ತೋಜಾದ್ ಕೊರುಂಡು. ಮಂದಾರ ರಾಮಾಯಣೂಡು ಮುಕ್ಯವಾದ್ ತುಳು ಬಾಸೆದ ಪೊರ್ಲುನು, ನುಡಿಕಟ್ಟಿನ ಪ್ರಯೋಗ ಮಲ್ಪುನವು ಉದ್ದೇಶ ಅಂಡ, ಈ ಕಾವೊಡು ಕವಿ ಅಯ್ಡ್ ದುಂಬು ಪೋದು ಒಂಜಿ ಕಾವೊದುಳಯಿ ಬೋಡಾಯಿನ ಜೀವನ ದರ್ಶನೂನು ಕಣತ್ತೆರ್. ಒಂಜಿ ರಾಜಕೀಯ, ಸಾಮಾಜಿಕ ಸಂಘರ್ಷನು, ಕಂಸೆ- ಕೃಷ್ಣರೆನ ಮೂಲಕ ತೋಜಾದ್, ಮಹಾಕಾವ್ಯದ ಬೊಕ್ಕೊಂಜಿ ಮರ್ಗಿಲ್ನ್ ಪೂರ್ತಿ ಮಲೆರ್. "ದೇವರೆ ಚಿತ್ರ" "ಕಲಂಕ್ ತೆಲಿಂಡ್" "ತರಲೆದ ಬಿದ್ದಾಲಿ" "ಒಸರ್ದ ಬೊಳ್ಳಿಲ್" "ಎಲ್ಯ ಬಾಲೆದ ಮಲ್ಲ ಬೇಲೆ" "ಲೂಟಿದ ಕೂಟ" "ಗುಡ್ಡೆದ ಪರ್ಬ" ಗೆಂದುನ ಅಡ್ಡ 35
Page:ಮಂದಾರ ಕೇಶವ ಬಟ್ರ್.pdf/43
This page has not been proofread.
![](http://upload.wikimedia.org/wikipedia/commons/thumb/7/7c/%E0%B2%AE%E0%B2%82%E0%B2%A6%E0%B2%BE%E0%B2%B0_%E0%B2%95%E0%B3%87%E0%B2%B6%E0%B2%B5_%E0%B2%AC%E0%B2%9F%E0%B3%8D%E0%B2%B0%E0%B3%8D.pdf/page43-827px-%E0%B2%AE%E0%B2%82%E0%B2%A6%E0%B2%BE%E0%B2%B0_%E0%B2%95%E0%B3%87%E0%B2%B6%E0%B2%B5_%E0%B2%AC%E0%B2%9F%E0%B3%8D%E0%B2%B0%E0%B3%8D.pdf.jpg)