This page has not been proofread.
(နာဲသုန်ဓန် ကၠာဲလဝ်လိခ် အခဝ်သေမ်)
နွံ အစာလိခ်ဗတောန်ပရိယတ္တိ ၈ ဘာ၊ ကောန်ကတ်လိခ်အိုတ်သီု ဂွံလာဘ် ဇၟာပ်ဇၟာပ်ဂိတု၊ ကၠာဲလိခ်ပရိယတ္တိ မွဲသၞာံမွဲဝါ၊ လၟုဟ်ဏအ် ပ္တန်လဝ် ရုင်ပ္ဍဵုဗီုလိက်မန်(မွန်စာပုံနှိပ်တိုက်) ဂွံကၠောန် ကမၠောန်ဏအ်ဂှ် ဟိုတ်နူ ဟွံကေင်နွံဏီ ပ္ဍဲဂကူမန်ပိုယ် တုဲပၠန် ဂွံဒှ် ဂုဏ်ဖဵု သွက်ကောန် ဗွဲကြဴ အလုံဂကူမွဲ သီုဂွံဒှ် အထံက်ပင် ဗုဒ္ဓသာသနာကီုရောင်၊ ပရေင်ကမၠောန်အိုတ်သီုဏအ်ဂှ် ဂုန်ဇၞော်(ကျာ်ဇၞော်ဘာပြာန်-ဍုင်ပထုန်ထာနဳ) ညာတ်ကေတ် ဗီုလဵုရောဂှ် ကဵုဇခဳ(စာရေ) ချူနင်လိခ်ညိကျာ်။
နာဲသုန်ဓန် ကဵုလဝ် ဆက်လဴထ္ၜးလဝ် ကိစ္စပတန်သာသနာ ပ္ဍဲဍုင်မန် အတိုင်ဗွဲသၟဝ်ဏအ်။
အတိုင်လိခ်ဝွံ တၠဂုဏ်ဇၞော် ဖျေံမိတ္တာလဴဗ္စကဵုကျာ်ဇၞော်ဘာလဟောဝ်ဍုင်(မုဟ်ဍုင်)ကီု သီုစါသဝ်ဓ သီုခုန်ဍာရာ ကဵုအနုမောဒနာအိုဟ်တၟိဟ်ကေတ်ညိ၊ နွံပူဂိုလ်တွာ်တြဴကၠုင်ဍုင်မန်မ္ဂး ဆာ(လက်ဖက်)ဂှ် နွံပၟိက်ရအဴ။
- နူအခိင်ကၠာအစာတၠမဟာယေန်ဂှ် နွံကျာ်ၜါပိဇကု ၊ကျာ်ဇၞော်ဘာပြာန်၊ ကျာ်ဇၞော်ဘာလဟောဝ်ဍုင်(ဝါတ်ပထုမ်ဓံင်) ဍုင်ပထုမ်ထာနဳ တိတ်အာဍုင်မန်တုဲ ပံက်တိုက်လိက်ပရိယတ္တိပ္ဍဲဘာကွာန်သပၠင် ဗွဲကၠာတဲမဒှ်ရ။