This page has not been proofread.
Wymysöjer śtytła
Y ynzum śtytła
zajn braaty śtrösa,
dy makia wii błimła
di zir fajn pössa,
dy makia wii błimła
di zir fajn pössa.
Dy makia wii błimła
weła zich ny möła,
dy büwa wii achła
fedrowan siun köła,
dy büwa wii achła
fedrowan siun köła.
Błin y ynzum gaotła
ruuza myta błimła,
siejn ej ynzer traocht
myt wymysöjer łidła,
siejn ej ynzer traocht
myt wymysöjer łidła.
Zuł es siejn kłyngia
dos łöstigy łidła,
dos wir dö zyngia
myt oła cyzoma,
dos wir dö zyngia
myt oła cyzoma.
