This page has not been proofread.
Błi och błi
Błi och błi maj zumerwajs
maj siaocła ej mir wak gyrajst,
es ej gyrajst yn wajta wag,
ych wao yms gren a gaonca taog.
Ych ho gygryn dy gaoncy cajt,
ych ho ferliün maj łöstigkajt.
Maj siaocła kom endłich cy mir,
ych bej jum fir dos daonkbaor zir.
Es błajt by mir siun uf inda,
maj traojrigkajt wyt zich enda.
Wir müsa fu der fröed denkia,
dower cyzoma gyłyk sienkia.
