This page has not been proofread.
47
- Mǎ-tuo̿i, 17
- 14 Da̿u cèng cāi nêng gâ̤ sù-cài, iǔ cì-ciă nêng hā Iǎ-Sú mīng-chîng-di̿ lâ̤ gṳ̄-diū uā,
- 15 Cṳ̌, kǒ̤-lǐng uòi gâ̤ gṳ̌ing: gṳ̀ buǒi kṳ̌-ma̿-hêng gâ̤ bāng, cèng kǔ: sā̤-sā̤ dǔing hā hǒ-di̿, sā̤-sā̤ dǔing hā sṳ́-di̿.
- 16 Uòi iáu gṳ̀ ko̤̿ nì hǎ-sáing ǔ-di̿, gṳ̀ mài í gṳ̀ hǎu.
- 17 Iǎ-Sú a̿ing gṳ̀ uā, Nì iǒ̤ng mâing, eng1 sēng gâ̤ si̿-ga̿i, uòi iáu nì câi cì-dó gu̿ niōng gǐ-duói sî nī? uòi něng nì da̿u sū-mū sî-hē? ko̤̿ iáu nì gṳ̌ing hā uòi iǒ̤ng-di̿ lâ̤.
- 18 Iǎ-Sú hǎng-diū ǔ gṳ̌; gṳ̌ ciū giǎng gṳ̀ séng-di̿ chṳ̆ lâ̤: gṳ̌ing-ciě ciū hǎu-tiāu.
- 19 Hǎ-sáing càng-càng-di̿ lâ̤ Iǎ-Sú mīng-chîng-di̿, uā, Uòi gōng-ciōng mài dāi-tiāu iǒ̤ng gṳ̌?
- 20 Iǎ-Sú uā, Éng-ṳē nì ēng se̿ng: uòi ì-cài iáu nì uā, Lâ̤-sī nì gâ̤ se̿ng-séng iǔ guōi-chā̤ cě̤ng ǔ duói duōi, ni ciū-sī iáu iǒ̤ng cì-pīng súing uā, Giǎng iǒ̤ng ga̿i-tī búing hā ǔ ga̿i-tī; iǎ ŏ̤ búing ko ; ciū-sī mǎu-lō̤ng sū-mū dī nì dú ca̿-dǎ̤-da̿u.
- 21 Lâ̤-sī iǒ̤ng cì-có̤ng gâ̤ gṳ̌, nêng lâ̤ ēng gǐ-dǎu ge̿ng-diū ēng iè, cǒng mài dāi-dǎ̤-tiāu.
- 22 Iǎ-Sú gu̿ da̿u Gá-lī-lī gṳè-diū gâ̤ sî-hē, iáu hǎ-sáing uā, Nêng gâ̤ Gṳ̌ing ŏ̤ nǎ nêng gáu hā nêng gâ̤ siǔ-di̿;
- 23 Nǎ gṳ̀ huōi-sǐ-tiāu, dī sáng góng ŏ̤ hǔ-sáng kǐ lâ̤. Hǎ-sáing ciū cèng huáng-iě.
- 24 Da̿u Gá-bǎ-nǒng làu, iǔ siú liòng cîng ngê̤ng gâ̤ nêng-dáing-sṳe̿ gâ̤ nêng lâ̤, iáu Bǐ-dǎ̤ uā, Nì gâ̤ Síng-sáing ēng ṳ̌ing iǒ̤ng liòng cîng ngê̤ng à?
- 25 Bǐ-dǎ̤ uā, Ṳ̌ing à. Ciū nì chio̤̿, Iǎ-Sú sáing iáu gṳ̀ uā, Sái-mô̤ng, í nì siǒng, si̿-gáing gǒ̤ hǒ gâ̤ uǎng-di̿, iáu sū nêng siú lî-géng-sṳe̿ iáu nêng-dáing-sṳe̿, sī siú cù-cī gṳ̌ing gâ̤ à, iǎ sī siú biē-nêng gâ̤ nī?
- 26 Bǐ-dǎ̤ uā, Sī siú biē-nêng gâ̤. Iǎ-Sú uā, Iǒ̤ng-gǎ̤-sǐ gṳ̀ cù-cī gâ̤ gṳ̌ing ciū ēng niōng ba̿u-sṳe̿.
- 27 Lâ̤ giáng uôi-huōi-nêng huōi gṳ̀ iǔ gua̿-ngāi, nì ciū ko̤̿ huǒi-bíng bo̿ng dia̿u-gé, sáing dia̿u-diū gâ̤ ngṳ̂, kṳé gṳ̀ gâ̤ chṳ̄, iǔ sï cîng ngê̤ng, nà lâ̤, uòi iáu nì dé nǎ gṳ̂.
