(Au moumint que l' ridéeau s' lièfe, Rosine est in train d’ racomoder ein cotréon ; Zabelle erwaitte au cassis et on intind au leong les roctiers crier : « À bas les maîtes !... Vivent les roctiers ... À l'ieau les buveux d sang !... Vive l' grève ! ... I' faittent du boucan et puis on les intind s'in aller in cantant : « Aux armes, citoyens, etc., etc. »
Acoute cha, fille, vla l' queminch'mint de l' journée ; i' va core eine féos aller bin aujord'hui ! ... (Elle s'in va arrière du cassis tout s’plaingnant). Mo Dieu, mo Dien ! ... est-c’ que cha va acore durer longtemps ainsin ? ... Dire que d’pus trois semaines cha n'a pacore arrêté ein seul jour et ch'est toudis pire in pire !...
Joseph i m'a fet savoir qu'aujord’hui i' a eine réunion des ouverriers avé les maîtes des rocs; pétette que tout s'arring’ra. I' s'reot bin à s’haiter !...
