ḃ’ḟada go mbeaḋ an obair go léir déanta, agus déanta go maiṫ.
Ċomáineadar leó ag obair, go dtí go raiḃ an tsla- mairc ḋeirineaċ de’n olann ’n-a snáṫ, agus an snáṫ deirineaċ toċraiste ar an gceirṫlín deirineaċ, agus an ceirṫlín sin caiṫte ar an gcruaiċ ceirṫlíní a ḃí fásta sa ċúinne.
10. - SLIAḂ NA MBAN ḂFIONN.
VIII.
"Táim ana ḃuiḋeaċ díḃ, a uaisle,” arsa’n ḃean aḃrais; “ní fios caṫain a ḃeaḋ an méid sin oibre déanta agam dá mbeaḋ orm é ḋéanaṁ am’ aonar. Táim ana ḃuiḋeaċ díḃ, a uaisle!"
"Is ceart cóṁar do ḋíol, a ḃean ṁacánta,” arsa’n ċéad ḃean a ṫáinig isteaċ. “Ḋeinis-se ḋúinne an oiḋċe eile úd a ḃíomair anso níḋ ná raiḃ ar ár gcumas féin a ḋéanaṁ. Is é is luġa is gann dúinne teaċt agus an congnaṁ so ṫaḃairt duit-se. Ní fios ná go mb’ḟéidir go mbeaḋ gáḋ againn led’ ċaḃair arís."
"Agus is é is luġa is gann dóṁ-sa caḃair a ṫaḃairt uaim pé uair a ḃeiḋ gáḋ leis an gcaḃair,” arsa’n ḃean aḃrais.
