so kanunotan mo: akauley iray arum ed bilay da, say nepeg tayon gaween seetan tin ag deralen so maong a kipapasen tayo ed panagnunot day totoo, tan manlapod asingger itilan ompatnag ed arap na Dios, nakaukolan a manlinis itayoy bilay tayon manparaan. . . . . Oy la komon no say sankamapangasían a Katawan et ipelag toy matay panangasi to ed saray kakabusan tayo!"
"No ontan sirin diad pakaisip yo say kánon onó muerto. . . "
"Siala, tondaan palan salitaen itay kuarta!" kuanen agmakayari ya sinmalabat a singa inmuges so uló to. "Kuanmo man a si teniente insipan tod pári Dámaso.... ?"
"On, Amá!" kuanen pári Sibyla ya imisan. "Nen anengneng ko balet natay kabuasan kuanto ta liknaen to konon tuloy so agawa kalabian..... singa akainom konoy daiset tan isip ton ontan met angankoy inkagawa nen pári Dámaso. Samay sipan yo ey?' kuankon tinepet a gagalawen. 'Pári kúra,' kuanton inmebat, 'agko bebenegay salitak no agto deraley galang ko: aliwa ak a madálem tan agko ni asalin balot so angidalem, sikatoyan anggad natan dugduara ni bitewen ko.'"
Nansalita niran aganoy nipaakar ed nambabangil ya andi kakabaliksan insan la nanpatanir si pári Sibyla."
Tua ta si teniente ag linmad Malacañang, balet ta si Kapitán General akabatan toy inkagawa.
Nen mitotungtong ed saray ayudantes (1) to ya nipapaakar ed paspasingayew dad sikato na palapagan ed Ibále ya anggapo met so binitla ran ngarán no agta singa imparalan dad saray komita tan arum niran bitbitewen a pinmapatnag ed tawen, sakey ed saray abitlan ayudante to tinongtong toy petepeteg ya inkagawa, anggaman nilaborlaboran toy daiset.
"Siopay akapikabatan yo ey?" kuay tepet nen Kapitán General a makakaimis.
"Si Laruja ta totungtongen to natay kabuasan dimad panagsulatay palapágan."
Akaimis lamet si Kapitán General tan inkuanto:
"Say gawa may salsalita ray bibii tan papári ag nepeg a liknaen! Labay koy manbilay a mareen ed
(1) Katulongan.
