Walad gilig na libsong so báley na San Diego, diad pegley day kaumaan tan tatanemay pagey. Saray totoo mangibibiaje tan manlalako rad arum iran pasen na masamit, belás, kapi, tan bongabonga, odino ilako da laray mamurmura ed saray intsik a saraya samboten da met so ag pikakabat ono bisio ray tomatálon.
No diad agew a maong so tiempo et onsegep iray ugugaw ed katoktuktokay tori simbaan ya aparakep na pakonako tan arum niran tamtanaman a tinmotubon nanlapod bukebukel ya ipapalir na dagem ono awitawit dav mánok va atap, maneyag iran napnov liket ed karakpav kaliberliber va anggad nabantag na matá ra. Diad kompog day ateatep a pinaor, larió, sim, tan temel, a nisaletsalet ed tanamanav rosrosas ono pisipising sakev tan sakev ed sikara nabirbir tov abong to, odino obon ton melag. Bengabengat lad tav nakatandaan da: sakev a kiew, salomagi ya aliwan masalsalompapak, niog a nalpev na bonga, ya aliling nen diosan Astarte (1) ono Diana (2) ed Efeso ya akompokompog so soso to ra, sakey ya makolkulaney a kawayan, sengeg na bua, odino krus. Sankanengneng met so ilog ya aliling toy ontan lan kabaleg va uleg a salming a naugip ed tapew na malabóvong a dika; nitaytayak irad dalem toy ankabaleg a batobató ya singa ra kukuleten so danum ya onaagos ed petek da; wala ray pasen a mainget so dalay danum tan atagey iray nantopag a pangdel, a wadman iran nanengneng ya akapeket so apikpikewet a kiekiew ya akapaway iray lamot da; dia met ed arum a pasen onawang tan onpatar, tan say danum ed satan mareere-
(1) Diosa ray taga bansa na Fenicia.
(2) Diosa na panaganop.
