sisiaan, balet ta lapod saya et daiset laingen so makaamta, say onggendan:
Nen inmonan panaon ya saman a báley et pigpigara ni labat a nankokumpog ya alulong, tan diad saray onkakanan lansangan to et matubotubo niray atatagey a dika, diad saraman a tiempo, ya bangno lábi la et mabetbet niran onlasor a manlapod palandey iray olsa tan animulok, sinmabid man ed sakey ya agew so sakey a kastilan masiken a nikukundalem iray mata to tan marunong ed tagalog. Kayari ton nanliberliber ed nambabangil a pasen, mamasagor, mamabukig, mamaamianen, tan mamaabalaten, tinetepet toray makankien ed samay takel a kawalaan day subol iran ampetang. Pinmarungtal iray pigara ya kuandan sikaray akankien, tan si masiken sinaliw tod sikara ya binabayaran toray kawekawes, alajas tan daiset met a kuarta. Kasanlilikna naandipat. Inisip dalay totoo ya inkantado balet ta ag abayag ed saman walay nanaangob day pumapastol ya ambangebanget a manlalapod mad takel: inaanap day panlalapoan to tan nalmo ray bangkay ton may masiken a nabobulok la ya manbitbitin ed sakey a sangay baliti.(1) Anta anggano sanen mabilay ni et antakot dala may bosis ton araldalem a singa manlalapod dalem na ungib, saray matá ton nikukundalem tan samay kakaelek ton sansananey ya ag ontanol, nen iratev a nanbitkel nimet, aloor so takot day bibii va dakel lay ag makaugip. Wala ray inbabantak dad ilog iramay alajas ya inbabayar to tan pinopoulan dara may kawekawes, tan nanlapo lad impangikotkot day bangkay to ed sengeg to lan lamang nimay baliti, anggapo lan balot so malabay ya onsingger diman. Sakey a pumapastol a manaanap na aven toran akaarawi, kuanto ta akanengneng dimay silesilew; linma ray pigaran manbalbalolaki tan kuanda met a dengdenglen day managlem. Walay sakey a masegsegang a manangaro ya ag asikasoey kakarawen to, ya diad panawag toy imano tonia et insipan toy mamalabas na lábi ed silong
(1) Sikatoyay ipapasen a sagradon kiew na Malaya. Say gapo to wakal labat a ompotputipot od sengeg na kiew, tan sayan kiew a potipotan to pateyen ton bitkelen tan sikaloy panbilayan ton onkanan sekder to ya anggad agto pakaalagey a bukor. No matatken la, manmaliw a balbaleg a kiew tan masalsalompapak tan balbaleg so laknaban to, ya mabetbet ya apikpikewet tan nanpuponget iray sengeg tan sangasanga to, ya say itsura to singa makataktakat. Sayan kiew gagalangen tan antakot day in monan pilipinos ta ipapasen dan ayamay inkantado ya tatawagey nono.
