ton man a kiew ya baliberan toy babuyan so sengeg to
ya pakapatnagay impanayam tod man, tan sayan laki
inatey ed biglan sinmabid sikato ya atagtagey a petang
ed kaimbuasan ton tuloy nimay labin impipostaan to.
Akamayamay ni tongtungtong tan tagtagaomen a nipaakar ed saman a pasen.
Kalabas na pigay bulan sinmabid man so sakey a lakin tubonbalo ya nengneng toy walay dala ton kastila, tan kuanton anak ton may inatey; nanayam diman tan nantatanem, lalo lav tayum. Say ngaran to Don Saturnino, sakey a balolakin maerermen so kanengnengan to, alipogpog tan maruksa ni no arum, balet alablabas a kuli; kinoral to may lubok nen ama to, ya daldalawen to no arum. Nen matatken la angasaway sa key a biin ugaw ni ya taga Ibale tan nananak iray sakey a laki, — si Don Rafael ya ama nen Crisostomo.
Nanlapod inkaugaw nen D. Rafael inararoy amin a tomatalon ed saman a pasen; say panagtanaman tan panagasikasoy dalin ya inggapd nen ama tod man, tan singa kuintay binayuboan to, binmolaslas ya aganggand; dinmadagop irad may dakerakel a totoo, sinmabi met iray akamayamay ya intsik, samay barrio nanmaliw a baley a melag ya walay kura ton indio; binmaleg lan binmaleg, insan nen inatey imay kuran gendat, sinmalat si pari Damaso; balet ta samay lubok tan samay takel a kawalaan tonia siansian anggapoy mandidiwit. Saray ugugaw no arum onsabiran anggad kaliberliber ya awit daray pekpekpek, batobatd, ya manala ray bayawas, apayas, lomboy tan arum niran bongabonga; balet no peles dan manaala ono sankanengneng da no arum ya andi esel imay lubii’ ya manoyoyaoy dimad sanga, napaktak so sakey ono duaran bato ya ag amtay lapuan da. “Samay masikenI samay masiken!” kuandad satan a maneyag, ibanbantak daray nala ran bongabonga tan awit daran pekpekpek, kitaboytaboy irad kinakalaban daran kiew ya iyan day kuyat a naloklokso daray batobaton ankabaleg tan sabisabit, tan ag ira ontonda anggad agda pakapaway di mad takel ya ampotipoti lupa ra, maningas iray arum, mannangis met larad tay arum, tan mataltalag so makalek.
