Dividios e imperad
(Nuevo Machiavelo)(1)
Siopa ray kasiki ed baley?
Aliwan si Don Rafael nen mabilay ni, anggaman sikatoy sankayamanan, sankaawangay dalin tan akautangay linawa lawari amin a too. Maniapod aliwan mapasirayew tan pamemelagen ton naynay so gagaween to, agton balot akatogiop na partido to tan anengneng tilay insungpa na amin a too lawari ed sikato nen na plag ed kipapasen to. — Si Kapitan Tiago kasi? Tua ta no oonlad man saray napapautang to aabeten day orkista, igagawaan day punsia, papanoen day rigalo: saray sankaabigan a bongabonga nanengneng irad lamisaan to; no wala ray makaanop na olsa ono animolok, betang toy kakapat, no walay apaknaan ton marakep a kabayo na akautang ed sikato, kalabas na kapalduay oras wala lad kabalyirisa to: tua yan amin, balet ta elekan dad benegan tan papangaranan day Sakristan Tiago ed kabukoran da.
Si gobenadorcillo (2) pa lagi?
Saya, sakey a masegsegang ya ag balot manggaganggan, no agta ontutolok; ag manpapasnok, sikatoni tatamian; anggapoy gagaween ton manlalapod sikaton
___________
(1) Mansisian kayo tan manuley kayo. (Balon Machiavelo)
(2) Sikatoy manonaan manuuley ed municipio ya pipiliyen a tinaon ed saray opisiaiis lan lamang ed baley, tan diad pamili ed sikato nakaukolay abubon na pari kura tan say Uley ed Ibale, saray principalia, totoo rayan dakel so kayamanan da odino nanbenbem laray betang ed baley. Sav panamili gobemadorcillo, unong ed insulat nen Jagor (sakey yan managbaroy ya Aleman) onia: “Say panamili gawaen ed salas na Presidencia. Diad abay na sa key a lamisaan, akayurong so mangilalaman ed Kapitan General, diad kawanan to akayurong met so kura, tan diad kawagi, sakey ya iskribiyente ya onkakana met lan manangipatalos. Amin iray Kabesa na Barangay, say gober-
