dili no agta ontutolok labat ed labay day walad tagtagey to; balet ta sikatoy oneebat ed Alcalde Mayor ed amin ya ingganggan dad sikato, amin ya impagawa ra, amin ya apaabig dan gaween to, ya singa bilang amin iraya et nanlapo rad ulo to. Diad katuaan met balet agton
balot ninunot ya alaen ni samsamen irayan pakauley.
Say inkapili tod sayan pasen nangastosan toy limanliboy pisos tan nantepelan toy akamayamay a kababaingan balet ta no kuintaey naalmo to met singa to amuraan.
Siopa sirin ey, say Dio-s?
Ah! Say sakaronongan a Dios agton balot goguloen so kanunotan tan ogip day mibabaley: agto ra pagigiwgiwen, tan no bilang walay makakalamit a makabitla ond makasalitad Sikato ed pegley na sirmon, sara angankoy makangel oniay kanunotan da: “No say Dios labat komoy wala!” Anggapo lawari mangaasikaso ed sayan sankaabigan a Katawan; masulosulok lay sakit na ulo ya iiter day sasantos tan sasantas. Diad magter a pakatalos da rayan totoo, say kipapasey Dios singa saramay pangaskasiyan ya arari ya aliktob iray napapalabian day aro tan palabo ya totoo. Sikaraya labat lay asumpalan a pitatalosan tan pangakatulangay ombaley. Say baley na San Diego milublubayan ed siudad na Roma, balet ta aliwan samay Roma nen panaon ya impangikana nen makabat a Romulo(1) na lukoy nen iletneg toray padir a nanliktob ed sayan siu dad; aliwa met a samay Roma ed bandad ondi' iran pa naon ya naames na dala ray anak ton dili, tan dala ray arum a totoo ya sikatoy mangipapaakseb na saray ganggan a totumboken day amin a bansa ed tapew na dalin, andi; milublubayan ed Roma ed sarayan panaon
___________
nadorcillo ya peles, tan saray nanpaso la, akayurong irad banko. Kaoten ed suerte so ngaran day anemiran kabesa na barangay tan anemira met a nanposo laran gobernadorcillo tan ompanon komalabintalo so gobernadorcillo ya peles. Sikaray natilak dimad salas, ta ompaway laran amin iray arum. Samay mangilalaman ed Kapitan General basaen tod satan iray ganggan insan to ra biliney wadman a mamili ra unong ed maptek dan panagnunot tan kaabigay baley. Sa ramay manamili ed satan ondago rad man ed lamisan tan isulat dad melag a papil so taloran rjgaran a maniapod togiop da lan lamang. Say sankarakelay botos sikatoy ompaway a gobernadorcillo, dapot no -ag manprotestay kura tan saramay manamili tan walay abubon na Kapitan General, abubon yan lawas nanaawat met ta masarag met lay pakayari nen kura ya makasAmben na kapili makapoy. Say mabetbet a pananawag met ed gobernadorcillo, kapitan; say pananawag natan Mayor.
(1) Sikatoy angiletneg na siudad na Roma, piton lasus limamplo tan taloy taon kasakbayay inkianak na Katawan tin Jesukristo.
