a say nandumaan da labat ta aliwa ran monumenton
marmol tan ankakabaleg a Coliseo ono pawayay sarsuila so nanengneng, no agta monumentoy birao tan
bulangan a pinaor. Say pari kura singa sikatoy Papa
ya walad Vaticano;(1) say AIferez(2) na Guardia Civil(3)
sikato bilang so Ari ed Italia ya walad Quirinal(4) ya
amin iraya ontukoy ed kipapasey monumenton birao
tan bulangan a pinaor. Tan diad San Diego ya singa
met dimad Roma, ag napultot so siblangan, ta mania
pod sakey tan sakey et sikatoy malabay a manuley,
sakey tan sakey met sirin ipapasen ton sulok lamay
sakey, a mibibiang. Ipaliwawa mi ya, tan isalaysay mi
ugali sakey tan sakey.
Si pari Bernardo Salvi sikatomay ugaw ni tan ag masmasel a pransiskano ya asalita la nen inmona. Nisengeg ed saray walna tan kagagalaw to niduman tuloy ed saray agagi ton pransiskano, lalo lad si tinombokan to ya alipogpog tan makabil a pari Damaso. Mabeng, mangiininagem, singan lanang sinonunot, malet ed pananumpal na amin iray manepeg a susungpalen a nipaakar ed religion, tan maasikaso ed ag kataldengay suri ngaran to.
Kayari sakey bulan ed insabi to, amin lawarin too linmoob ed moyong a tatawagey Venerable Orden Ter ciaria ya ontan lay ermen ed sayan agawa na katagam tonyan moyong ya Cofradia del Santisimo Rosario. Nanaayapan so kamarerua ed pannengnengneng na sanepat ono sanliliman eskapulario ya akasabitsabit ed sinansakey a beklew, tan sakey a balkes a binokbuknol ya akabaliber ed balambang, tan say pamalabas ed saraman a liblibot na amespesiaw iran totoon akakawes na abiton gingon ya aliling day akarakai' ya anyani ond kakamarerua. Akapilak si sakristan mayor ed inpanlalako to odino impanpapayabol to, ta oniay manepeg a pangibaga, na saray nakaukolan a nambabangil ed kilalaban na kamarerua tan panumpa ed diablo: Amta la ya sayan mauges a ispiritu ya nen onan panaon et onngangayap ya onsumlang ya araparapan ed ibabagay Dios, a panduaruwaan toray salita to, unong ed insu-
___________
(1) Polasio ya ayamay Papa ed Roma.
(2) Segundo Tenyente — pangulo na Guardia Civil.
(3) Policia odino Constabulario bilang natan.
(4) Palasio ya ayamay Ari ed Italia.
