let ed masantos a libro nen Job; ya intekiab ton aminsan si Kata wan tin Jesukristo ed dagem, a singa ginawa
to met ed saray buruja nen panaon a tatawagey Edad
Media(1) tan kuandan gagaween tonin anggad natan ed
saray asuang diad Pilipinas, sayan mauges a espiritu
et nanmaliw ya ontan lan inkabaing ya agto naseleng
so sakey a panyon angipintaay duaran taklay,(2) tan
antakot ton pati bokbuknol na lubir: anganggad labay
ton ibaga nia balet so manpapatulo itayo met ed sa
yan banda, tan say diablo balet manpapasuner odino
agton balot labay so milad kurang na panaon a singa
amin day manaayam ed kabilungetan, ta no aliwan onia
nayari sirin a nibagan kapara tod inkabaing tan inkatakot so sakey a marikit a katayatdang.
Unong na asalita la, si pari Salvi masiadon maseet ed pananumpal toray nabebetangan to, alablabas lad seet, ya kuanen alferez. Legan ton mansisirmon — ta agay lay liket ton mansirmon — akakapot iray pintoy simbaan a diad saya kaolibay toy Neron ya emperador ed Roma ya legan ton mangakanta et ag mamapaway ed teatro; say pandumaan da labat ta si pari Salvi ga gaween to ya nisesengeg ed kaabigay kamarerua, si Neron balet diad kaderal da. Say panagdusa nen pari Salvi ed amin a kakulangan day walad saginonor to, multa, ta mataltalag a mankabil; a sikatoyay sakey nin pidumaan tod pari Damaso ya saya, poniti dia ponitid man pekpek dia pekpek diman so gawa to, balet ta manelelek a manggagawa ta gagala ton panangibangat, tan nisesengeg ed saya ag nayarin irapey linawa, ta alutolutod nunot to ya pekpek labat so nayarin pitalusan ed saray indio; oniay inkuay sakey a parin marunong a mansulat na libro tan si pari Damaso masiadoy pananisia to, ta agton balot sasangsangen so insulat; diad saya balet a kaabebaay linawa to dakel so napapaunong to.
Si pari Salvi tua ta mataltalag a mangabil, balet ta unong ed kuay sakey a makabat ed saman a baley say kulang tod karakel babawiyen tod bill, balet ta ag met nayarin irapey linawad saya, ta diad alablabas a panagayunal to tan agto panaglaok na asalian, linmasaw
_______
(1) Panaon a nanlapod taon a Siglo V anggad, Siglo XV.
(2) Sikatoy akapinta ed estandarte ray Orden Franciscano ya kuan, odino paparin pransiskano .
