a maong so dala to, kinmapoy so nirbios to ya magmainomay ya onalingasa, tan unong na kuanday totoo ontutuloy dagem ed ulo to. Nisesengeg ed sayan agto pankakabil, ag nanengneng ed itsuray beneg day sakristan
to no kasi ta manaaynnal ond manpepesel a maong so
kura.
Sa labat so ontatalek ya ontatagam ed sayan pakauley ed kamareruan kuan ya onaarap met lan lamang balet ed pamaakaran diad tapew na dalin, si alferez, unong na asalita la. Bukor to labat, ta unong na tungtong day bibii, say dilin dimonio ibabatikan toy pari Salvi ta sakey ya agew a sasalien ton tuksoen, asinkat tonia, intakei* tod sali katri, nilasotan to lan nilasotan na balkes ton lubir, tan inbolos to labat kayari siam agew.
Kayari tonyan inkagawa say ontalek nin onsungpa ed sakey a toon onia lay pakauley to, manmaliw lan mas mauges nen saray dilin pakaskasi tan sagpasagpan dimonio, tan si alferez kanepegan to sirin so uges na kapalaran to. Say asawa to akulaw a pilipina ya alablabas so panagkolorite tan panagpinta toy lupa to ya amalakipak so polbos to; say ngaran to Donya Con solation, anggaman si asawa to tan arum niran totoo et sananey so pananawag dad sikato. Si alferez ipapangget tod laman ton dili ray kasegsegangan tod panamaley to; manbuek a pinaspasia, tan diad satan ipataktak toray sondalo ton panpasalen ed agew ya wala balet ed sirum, odind mas mabetbet ni ya kabilen toy asawa to ya anggaman saya et aliwan Korderoy Dios a makapaandi kasalanay siopaman, akamayamay la angankoy abawas ton panirap nen alferez ed Purgatorio no bilang ta saya et napelag diman, a sakeyan panduaruwaan day bibiin mararasal. Sikaran duan sanasawa ya singa bilang ipapasen dan lurey, kabilan dan pinasia ya alimbawa ray mangipapaway na ayayam ya anggapoy bayar a nengnengen day kabkaabay, ingalan, bandoan day salitan marurutak a tekep toy pekpek, ponitfyan, gametan, ketketan, depakan tan arum nin nagawaay sanduan lima ra tan sandua met iran sali ra.
Kapag onsasabid layag nen pari Salvi rayan aliwaliwan makapakasalanan a nagagawa, makaimis tan manguros, insan mandasal na sakey ya Amami. No bi-
