lang narengelan ton papangai’aiian day ankabeng, marlkonkuanan, carliston(1) ono bulawen, makaimis met tan aruman toni dasal to. Si alferez sankalabayan to lan tungtongen ed saray ondadalaw ed sikaton pigaran kakastila so onggendan:
“Onia kayod konbinto ya dalawen yoy kuran singa ag makapatey na apangat? Manimano kayo! No pansoklatien to kayo, anggaman panduaruwaan ko balet ta agla piga, mandengel kayon maong. No tawagen toy ugaw to ya ikuanto: ‘Juan, (ono anggan opa lad tay ngaran to) manggawa kay soklati eh?' nayarian yoy ontilak ya andi pagpaga; et no ikuantoy: ‘Juan, manggawa kay soklati ah?’ sinkat yoy sombriro yo tan batik kayo lay kuyat.”
“Akin ey?” kuay tepet na sakey ya ataktakot, “ipankol to may lusor? — Ay agi!”
“Andi met, sika said!”
“Anto sirin ey?”
“Say talus na soklati eh, soklatin mapalet, say sok lati ah, malasaw.”
Say pakaisip mi lad saya balet pamapauges labat nen alferez ta onia met so tungtong ya nipaakar ed sarey arum a papari. Ompan lagi balet no sikatoyay naugaliyan ed sayan togiop day papari . . . .
Ta piano napastidio toy pari Salvi, insebel nen al ferez so manakarakar ed lansangan kalabas na las nueve labi, ya saya impanunot nen Donya Consolacion ta ipasooton singa to nanenengneng si kura ya mamaspasiar anggad aralem lay labi ya akakawes na barong-tagalog tan akatakokd. Say kababales nen pari Salvi sinasantos: kanengneng tod alferez ya ontubong ed simbaan iganggan to lad satay sakristan ya ikapot toy amin a pinto ya agto ipalikas, insan onsegep ed panagsirmonan tan gapoan toy mansirmon na andukedukey a mankopit lan pati mata ray sasantos, tan pati samay malapatin kiew ed petek na toktok to ya talintaoy Espiritu Santo et mikakasi lan mamatonda. Si alferez, ya unong ed ugali ray totoon ag mansisibkel na kasalanan da, ag met naderia: mangi-
________
(1) Kalamanay partido popular ed Espana ya gamrpi ed Don Carlos (Agi na arin Fernando VU) ya malabay yan manamsam na trono, ed anak nen arin Fernando ya Donya Isabel.
