samsamban ompaway ed simbaan tan no walay natalimokaan ton nasinkat a sakristan ond ugaw nen kura,
ipuger to, lasotan to, panlinisen tod kuartel tan diad.
abong to ya sikato labat so ilinggas na ayaman to. Diad
panbayar nen saki’istan na multa ya panusa nen kura
ed agto impakasempet ya abayag, ibaga tod satay niakasengeg na agto akapawilan. Si pari Salvi ag onesel,
ibolsa toy kuarta, insan to ibolos balet iray kanding
tan karniro to pian onia ran mankabkab ed tanamanan
nen alferez, legan ton mannonunot no anto lamet so
salitaen tod sirmon ton mas andukey ni tan mas makapaabig nid kamarerua nen samay inmona. Saraya ba
let a nagagawa aliwan sikaray makasbel ed panpasamano ra tan pantungtong dan mababig no bilang ta
makapannengneng tan makapanbana ra.
No si Donya Consolacion et agto napikolkolay asawa to ta abuek ya agto amtay tapew na dalin, odind naugip na otiagew, mantandag ed dorongawan ya akatangal na tabako tan akaaysing na pranilan inanagan. Sikato ta masiadoy impankabusol tod kalangueran, limlimgisen toy ansakisakit, ya balbalawen tan pappangaranan iray mamarikit ya onlalabas, ya ontan lay takut dad sikato ya agda napetek so akar da, tan agda nitangwa ray mata ra, tan sigsiglatan day manakar a ngalngalin aglara onlinawa. Si Donya Consolacion wa lay saksakey a nibagan kaabigan to: suiga agto nin balot asali nanespejo.(1)
Sikarayay manouley ed baley na San Diego.
________
(1) Say labay ton ibaga nia so agto amtay uges na itsura to, ono kapoy ton bii.
