Sa angankoy alenleneg ya anggapoy manusupiat a pidumaay too ed saray ayayep say panamabli tan panamagalang tayo ed saray andilad bilay. Tan, alay makapakelaw! sayan ugali singa laloy inkigalet to ed pasen iran aliwa niran makabat ya unong so totoo.
Kuanday managsulat na awaran a saray imnonan totoo diad Pilipinas gagalangen daray atateng da ya ipapasen daran sasantos tan pikakasian tan pandadasalan dara. Natan, balet say sumlang so nagagawa: sa ray inaatey nakaukolan day paidasalan ed saray mabilay. Kuanda met ta saray taga Nueva Guinea yaatol dad kajon iray pukel day inaatey da insan dara katongtungtong; karaklan ed saray bansa ed Asia, bagatan daray kanen iran mararakep tan masamsamit, laio lad saramay apakpaknaan daran kanen nen wala nirad bi lay, tan manpaga ray onia ta walad pananisia ray onia rad man ya onpawil so inaatey da ya ondagop- Saray Egipcio ipaalageyan day palasio ray inaatey da, saray Musulman igawaan daray ermita, etc., et say baley ya analongaring ed sayan pamaakaran tan say mas so pikakabat tod pusoy too, say Dahomey. Saray Negro ya taga dia amta ra ya say too et maibabalesen; kanian say kuanda so anggapo lay mas makapaliket ed inatey nen say pangibagat ed tapew na lubok to na amin day kakabusol to ra; et maniapod say too et mausisa tan agla piga no agto amtay gaween ton pamalabasan toy oras dimad bilay a sakey, tinaon ya pawitan day inatey da na sulat ya iseksek dad baog na sakey ya aripen a pinutolan.
Nidumaduma itayo ed amin. Anggan anto ra tay akasulsulat ed saray lubok odind lapida, anggapo lawari
