manisia ya saray inaatey et manpapainawa lara, lalo ni
nimet a manpapainawa rad kareenan. Saraman lay
sankaligaan a kanunotan say isip da nin siansia so
saray laklaki rad pueg ono dapan wadman niran nakakalot ed Purgatorio tan no bilbilang sikara met so ompatey et ag ira napaktak ed Impiernos, sabien da nirad
mad Purgatorio ya kaiba da nirad andukey a panaon.
Tan no walay ag manisiad saya, dalawen to pa labat iray
simbaan tan saray kamposanto ed bansa ed agew na
Tcdos los Santos tan manimano pian nanengneng toy
katuaan tonya. Sikatayo balet ta wala itayod baley na
San Diego, dalawen tayo met so kamposanto to.
Diad bandad sagor ed pegley day kaumaan so kawalaay, aliwan siudad no agta barrio labat na inaatey: say dalan a mamaarap diman mainget, a dabok no tiagew tan ngalngalin napansakayan no mamauran. Sakey a pinton kiew tan koral a bato ed arum a pasen tan kawayan tan latok ed arum, so angibiig ed sayan pasen ed ayaman day totoo, balet ta andi ed saray kanding nen kura tan baboy day arum ya kabkaabay, a sarayan ayayep ontubong, ompaway irad man a singa ayaman dan dili ya mankabkab tan manalibok ono mamasayaksak lagi ed kiwala rad saman a kareenan.
Diad pegley ton man a maawang a kinoral, walan impaalagey so sakey a krus a baleg ya impatoon ed baleg met a bato. Samay Iatan inian ed toktok ton may krus ya angisulatay INRI atupi lay dinmadalan iran bagyo, tan binoral met lay uran so letra ran intatak ed tapew to. Diad sengeg ton may krus a singa diman ed palandey a peteg na Golgota,(1) wadman iran abonbunton ya nanlalaok so ulould tan arum niran pukepukel ya inbobuntok irad may sepulturiro ya nanlalapod lubok iran kokutkoten ton eekalay lugan. Di man ira lagin manalagar na, aliwan say yoli rad bilay na inaatey, no ag say itubong dad may ayayep ya urasan tan papetangen dara lagid sirit da raman ya ambebetel a pukel. Diad kaliberliber wala ran nanengneng so agano niran nankutkotan. Say dalin dia ay singa nikundalem; diman ay nipokdol. Mabonabona ran tinmobod amin a pasen so tarambulo tan pandakaki: sa-
___________
(1) Palandey ya angipaalageyay krus ya angipasakan tan inateyay Katawan.
