Kanengneng dad sikato akamayamay so akalek tan
wala ray bibiin kinmoliseng. Sikato agto raya inasikaso, dinagd to may abonbunton ya ulo-ulo, tinmalimokor tan sankanengneng to ramay pukepukel a singa
walay aanapen to; kasanlilikna dinedemet ton inpapaliis iray arum ya uloulo, tan nen singa agto naalmoy
aanapen to, kinmuliseng, peyengpeyeng, lingawlingaw,
insan inmalagey a dinago to may sepulturiro.
“Oy!” kuanto.
Saya tinmangwa.
“Amtam no iner so nakar na sakey a uldn marakerakep, ampotipotin singa lamay niog tan ag abawasay ngipen to ya inian kod tan ay ed sengeg na krus, ed silong daran may bulobulong ay?
Samay sepulturiro sinintak toy takeb to.
“Nengneng mo,” kuanton intuloy nimay masiken ya impanengneng toy sakey a kuartan pilak; “anganggad sayay kuartak balet ta iter kod sika no naalmom.”
Kanengneng nen sepulturiro ed samay balobalon kuarta, nannunot, linmingaw diman ed bontoy pukepu kel tan inkuanto:
“Andid man ay? Andi? Agko amta siri kawalaan to."
“Amtam? No bayaran da ak niray akautang ed siak, ikdan ta ka lamet,” kuanton intuloy nimay masi ken. “Uloy asawak iman; kanian amtamla, no naalmom............. ”
“Andid man ay?” Antoy amtak sirin ed kawalaan to ey ? Et no labayo nayarian ta kayon itday arum!...” “Andi dumam ed satay lubok ya kokutkoten mo!” kuanton akapasnok imay masiken a singa ag makareen; “agmo amtay bili napipirdim. Siopay akanlubok nitay kokutkoten mo ay?”
“Amtak pa lagi ? Lubok na sakey a inatey!” kuan ton inmebat a mauges so ulo to.
“Singa lubok, singa lubok!” kuanton inulit imay masiken a manelek na amagamaga; “agmo amtay ibabantak mo, ni amtam so aakmonen mo! Dali, mankotkot ka, mankotkot ka!”
