agaga ya agto amtay gaween to; aanapen toy bakabakat dimad dalin et ined man anggapoy nanengneng ton
anggan anton krus.
"Dia man kasi?” kuanton meremere: “andi, dimad bandad man, balet ta abikbikual so dalin!”
Nengnengnengen nen Ibarra ya manaalaan ed lupa toy ermen tan paga to.
“On!” kuanton may masiken, “nanunotan ko ya walay baton baleg ed abay to; antikeytikey imay lubok ta agmakayari sepulturiro tan sakey a dumaralos so nankotkot; tepeten tayod satan ay no antoy agawa ton may krus.”
Sinmingger irad samay sepulturiro ya sankanengneng toran napnoy usisa, tan inggalang toran inekal toy takoko to.
“Nibaga yod sikami no dinan imay lubok ditan ay a walay krus to?” kuanton tinmepet imay masiken. Samay akitepetan ninengneng toy inturd ran pasen tan nannunot.
“Sakey a krus a baleg?”
“On baleg,” kuanton inmabubon imay masiken a makaliliket tan ninengneng toy Ibarra ya saya linmigsay lupa to.
“Sakey a krus a nilalaboran tan tinaker na babuyan?” kuanto lamet nen sepulturiro.
“On, satan, satan, onia ay, onia ay,” kuanen ma siken ya inggulis tod dalin so sakey a krus a bizantino.
“Insan wala ray intanem a rosrosas dimad lubok?”
“Adelpa, sampaga tan pensamiyento! On, satan!” kuanton may masiken a napnoy liket tan pinatabako to.
“Ituro yod sikami may lubok tan no iner so kawalaan ton may krus. Samay sepulturiro ginogo toy layag to, tan inmebat ya manuwab:
“Samay krus . . . pinoulan kola!”
“Pinoulan yo? Akit pinoulan yo ey?”
“Onaa ta sikatoy ingganggan nen parin Baleg.”
“Siopa tay parin Baleg ey?” kuay Ibarra ya anepet.
“Siopa? Samay mangabil, si pari Garoti.
Inaplos nen Ibarray muling to.
“Nibaga yo balet ed sikami no iner so kawalaan ton may lubok? Nanunotan yo ni anganko.”
