Si Ibarra anggapoy sombriro to; anggapoy mogmon luan tinmerter ed saray mata to, tan anggapo met so ni sakey ya eyey a binmesngaw ed pagew to. Manaakar a singa walay ibabatikan to, say anino nen ama to lagi odino say manasingger a bagyd. Binatak toy poblasidn ya omaarap ed paway na baley dimad samay daan lan abong day atateng to ya andukey lan taon ya agto ni agatinan. Aliber na padir a tinutuboay pigaran kanengnengan a dila-dila tan kalimbuaya, tan singa to sisinyasan a tatawagen: walay manlulukas ed saray durongawan; samay kiew ya ilangilang milmila ran malikeliket ed dagem so sangasanga ton nalpey iray rosas; tan mantektekiab iray malapatin liberliber ed toktok na atep ton may ayaman dan walad pegley na tanamanan.
Si Ibarra agto nanenengneng irayan magayagan pamapasabid sikatoy gendat ton ayaman. Say sankanengneng ton ag alisay mata say sakey a parin manaakar a kasabatan to. Saya may kura ed San Diego, samay anengneng tila nen inmona ya ag masmasel tan singa sinununot a pransiskano ya kabusol nen alferez. Itutuni dagem so malaplapar a bulong na sombriro to; say dbito ton gingon palirpalir ya onbabalkot ed laman to ya ompapatnag so ulpo toran mabmabeng a pakang; tan walan sankabenbenan tod lima ton kawigi so has ten a palasan ya egegnaan toy uld ton garing. Saman labat so impannengneng da nen Ibarra.
Diad inpanabet da, tinmonday Ibarra tan ninengneng ton sineleng; si pari Salvi inlingay tod biek so mata to ya singa bilang agto naimano.
Agangganoy inpanduaruwa nen Ibarra, dinap-o ton masigsiglat tan pinatonda ton bigla ton impasaspak so lima to ed abala nen pari.
“Antoy ginawam ed amak?” kuantod bosis a ngalngali ag natalusan.
Si pari Salvi ya amnotipoti lupa to tan mangp-iwgiw ed impakatalus toy liknaan nen Ibarra ya pinmin tad luna to, ag akasel a singa liknaan toy apagpag.
“Antoy ginawam ed amak?” kuanto lamet a tine pet ed bosis ya araldalem.
Samay pari ya ngalngalin nipavurong ed biskeg na liman mangegemgem ed abala to, inimanesan toy inmebat:
“Nalilingo kayo; anggapoy ginawak ed ama yo!”
