This page has been validated.
“Anggapo?” kuan lamet nen Ibarra ya inmermer ton anggad ag nipatalimokor.
“Anggapo, ipasigurok ed sikayo! Samay sinoblayan ko, si pari Damaso . . ."
“Ah!” kuanen Ibarran inikbanan to tan tiniplak toy muling to. Insan to la tinaynan imay pangaskasiyan a pari Salvi, tan inmarap lan magangganat ed abong to.
Sustosusto met lan sinmabi may igaganggan nen Ibarra ya masiken tan inibaan ton inmalagey imay pari.
