Samay nidumaduman masiken, liberliber ed kalansanganan.
Sakey yan nanaral na Filosofia ya agto asumpal so aval to nisengeg ed katotulok tod matatken lan ina to; say akagapo na tinondaan to, aliwan kakulangay nagastos ono kakapuyay ulo to, no agta nanlapo ingen ed mayaman si ina to tan sikatd et nasasalitan matudion hnpangulo. Samay ina to kalamor mapagpaga ya si anak to et manmaliw a makabat tan nalingoanan to lay Dios; kanian inpanpili to, ed manpari ono ontunda lan manaral. Sikatd ta walay napapaknaan to, tinmonda, tan angasawa. Abald tan nauli kalamor ed kulang a sakey taon, kanian inarap toy libro ya pangitaligaygayan toy mapalalon ermen to ta pian komon agto naarap so bulangan odino manteyengteyeng. Ontan la balet so inggalet na liket tod aval tan panagsaliw na liblibro, ya apaulian toray bienes to, tan nankalkalnan pinmobri.
Saray totoon maong a inkabangat tatawagen day Don Anast-asio, odino Tasion Makabat, sara balet-so anggapoy inkabangat da ya sikarayay karaklan, Tasion Nanlaring so pananawag dad sikato, nisengeg ed saray sansananey a panagnunot tan nidumaduman pikokuno tod saray totoo.
Unong na nikuan la, saman a ngarem singa magkababagyd, mankirkirmat a naliliwawaan a mabetbet so tawen a singa ismay so kolor to; say lilinawaen singa ambelabelat tan pati onsisibok a dagem ampetapetang ya ansaksakket.
Si Tasion Makabat singa to la alingoanan imay pinabpabli ton pukel na ulo: natan makakaimis a tantangayen toray ambilbilunget a lurem.
Asabat tod asingger lad simbaan so sakey a lakin
