akajacket na alpaca(1) ya nanawit na duamplo tan liman libra ya kandila tan akabaston na nanborlas a pakanengnengay bebenbenan ton betang.
“Singa malikeliket kayo, amo?” kuanton tinepet.
"Tua, sinyor Kapitan; malikeliket ak ta walay ilalod pagew ko.”
“Ha? Anto tan a ilalo ey?”
“Say bagyo!”
“Say bagyo! Nunot yo siri manames?” kuanen Ka pitan a nantarok na balaw tan sankanengneng toy pobpobrin kawes nen masiken.
“Manames ak? . . . . . nayari met, lalo la no makasapigar so tooy dutak!” kuanen Tasion inmebat ed tono met a makababalaw tan nantarok ni ingey panmurmura ya sankanengneng tod lupa may katungtong to; “balet ta wala ni mas mababig ya aalagden ko.”
“Anto tan ey?”
“Say wala ray totoon terakay karol tan abong iran napoulan.”
“Kinerew yo la laingen komoy delap a lapag!”
“Sikatoy kanepegan tayon amin, sikayo tan ontan ko met! Sikayo, sinyor Kapitan sankaawit yoy akamayamay a kandila ya nanlapod tindaay intsik; siak, masulok lan samploy taon ya ipapasoot kon ibabaga ed kapag balon Kapitan so panaliw na para-rayos;(2) elekan da ak ya amin, tan saliw laran saliw na dakdakel iran bomba, palpaltog, bibintarol tan panggagastosan day panparipiki kampana. Sakey ni, kaimbuasan a tuloy na impangibagak, amagawa kayod saray intsik a panday na balatyang na kampanan melag ya ingana ed Sta. Barbara, ya anta say kakabatan et apapaway to ya walay kaatapay mantugtog na kampana no peles na bagyo man no karol. Natan ibaga yo pad siak, akin et nen toan a 70 nen tinerakay karol so baley na Binan, akin et say pinilipili ton tinerakan et diad tori tan di neral toy reloj a wadman tan ontan met na sakey ya altar ey? Antoy gagaweey kampanay Sta. Barbara ed saman ey?”
___________ (1) Klasi abel.
(2) Makinan balatyang a mayunis tan mautok ya ikakanan makababawas na electricidad a natipon ed saray lurem no ontan a bagyo. Say naugalian a pananginan diad toktok na simbaan, abong on6 tori ta piano naayat to lad may electricidad insan to buyakey biskeg to, tan diad ontan anggapo lay narisgon naterakan to.
