“Samar kini!” kuay sakey a bosis ed salitay kastila,
ya nanlapod sakey a dorongawan.
Si pilosopo intangwa toy ulo to tan anengneng toy sakey a lakin manimimis ed sikato ya mantaon angankoy manlapod talumplo ya anggad talumplo tan lima.
“Antoy babasaen yo?” kuanton tinepet ya inturo toy libron sankabenbenan ton may laki.
“Sakey a libro ed onkokurang a panaon: Saray Irap A Liliknaen Day Kakamareruad Purgatorio!” kuay inebat ton may sakey a makakaimis.
“Ay salo, salo, salo!” kuanen masiken ed nanduruman tanol na bosis, tan sinmamar ed abong; “say nansulat nitan matudioy kanunotan to!”
“Kasegep tod takayan inabet na akanabong ya iba toy ugaugaw nin asawa to tan pinarawes dad maong ya inpankakaaro. Say ngaran ton may laki Don Filipo Lino tan samay asawa to Donya Teodora Viña. Si Don Filipo sikatoy teniente mayor tan sikatoy panguloy partido ya onbanda lad liberal no kasi ta nayarin tawagen na onia, tan no kasi met ta nayarin ibagan wala ray partido ono togiop na politika ed balbaley ed Pilipinas.
“Arumog yod kamposanto may anak nen Don Rafael aman a kasabisabi ton nanlapod Europa?”
“On, anengneng ko nen oneepas ed luganan.”
“Linma konon anapen toy lubok nen ama to. Maganggana met so inkagawa to!”
Si pilosopo sinintak toray abala to. “Anggapoy pililikna yod satan a kasegsegangan?” kuanton tinepet nimay asawa nen Don Filipo.
“Amta yon peteg a sakeyak ed saramay anemiran angitolor na bangkay; siak so pinmatnag ed Kapitan General nen anengneng kon amin a too, ya pati saray walay pakauley, et anggapoy inmesel ed onman lan kabaleg na inpanlemlemew ed sakey a masagradon nipaakaran ya anggaman siak et lablabay ko lawas a pagalangay sakey a maong a too no manbibilay ni, nen say diad andi lad bilay.”
“Akin sirin ey?”
“Kabat yo la, ali, ya siak aliwa ak a makiling ed Panaguley a Tinawir. Nisengeg lagid dalak ya intsik a nanlapod inak, mialaay daiset so panagnunot ko ed saray intsik; ya pagalangan koy ama nisesengeg ed anak, ya aliwan say anak a nisesengeg ed ama: Sinan-
