anggapoy pinalsay Dios ya impand nanlapod inpanpainawa to.
“Nayarin wala la in potential” balet anggapo ni in actu,(2) kuanen teniente mayor.
“Nayari met! Ebatan takayo balet a wala ray akapikabat a wala la in actu, ya sakey ed sikara si Zarathustra ono Zoroastro ya angisulat na arum ya Avesta(3)
tan angiletneg na sakey a religion a milubayan ed religion tayo; tan si Zarathustra, unong ed saray makabat,
say inpanbilay to sankaonoran latay walon lasus taon
kasakbayay inkianak nen Jesukristo. Kuankoy sankaonoran ta si Gaffarel kayari ton inusisa ray inbabaga
di Platon, Xanto de Lidio, Plinio, Hermipos tan si
Eudoxo, say pakaisip ton inpanayam to diad mundo,
duan libo tan liman lasus taon kasakbayay panaon tayo
natan ya onkukorang. Dinan may susto ed saraya, say
katuaan so si Zarathustra wala lay sasalitaen ton klasi
Purgatorio tan ibabangat to met lay nepeg a gaween
pian nilabay too ed panayam diman. Saray wala nid
bilay nayarian daran aoney inatey ed kasalanan diad
pandasal day darasalen ya akasulat ed Avesta, diad
panagamil day maabig iran gawa, balet ta nakaukolan
a say mandasal et pikanayonan ni inatey ya anggad
tatawagey komapat a kailalakan odino say apoen ed
dapan. Tinaon ya nayari yan gaween ed loob na limay agew. Diad kurang na panaon nen sayan pananisia et malmalet lay inggaer tod ulo ray katoowan, saray papari ton man a religion anengneng dan mainomay
a panggawaay kuarta tan sinambot dan nanpilakan
iraman ya “araldalem iran pangawan ed kabilungetan
a panaarian day masakit a pagbabawi,” unong na kuanen Zarathustra. Inggapo ra sirin a diad pangiter na
sakey a derem, kuarta yad man ed sikara ya dagdaiset
so bill to, nabawasay sakey taon so panirap na sakey
a kamarerua; balet ta lapod diad samay religion da
et wala ray kasalanan ya say dusa ra et maniapod talon
lasus ya anggad sanliboy taon a panirap, a singa bilang
say mantila, manloko, ag manumpal na sipan, tan arum
nira, ompapaway a saraman a tuson papari et mangibu-
__________
(1) Diad kiyayari.
(2) Diad katuwaan.
(3) N'garan day liblibro ya nipaakar ed pananisia (Religion) day totood bans a na Persia nen inmonan panaon.</small
