bolsa ray nilaksalaksan derem. Dia yo nanengneng so sakey a mialaan la ed Purgatorio tayo anggaman walay
pandumaan a nisesengeg ed amta lan inpidumaay religion da ed religion tayo.”
Kinmirmat na marmarlang ya iba toy makmaksil a karol, tan apapuat a inmalagey si Doray tan anguros a kuanto:
“Susmariosip!(1) Ditan kayo ta manpool ak na benditan bulong(2) tan manelselak na kandilan perdon.”(3)
Ginmapoy uran a binakbinak. Intuloy non pilosopo Tasioy tungtong to ya sankanengneng ton onaarawi may bii.
"Natan ta andi dia, nayarian tayoy mansalitan anggapoy sebesebel. Si Doray anggaman mamali, maong a katolika tan agko labay ya ekalen ed puso toy pananisia: say sakey a pananisian yanoyano, malinew ya andi taldeng, duma ed fanatismo(1) ya singa pidumaay apuy ed asewek, tan maananlay a tugtog ed nankakames a tanol, anggaman saray anggapoy utek tan saray telek et panpaparaen dara. No diad sikatayon dua labat nayarian tayon ibaga ya say kaisipay Purgatorio maong, masantos, tan makatunongan; pagnayonen toy impankakasakey day wala nid bilay tan saray andila, tan makagapoy malinis a panagbilay. Say kaugsan walad panabuso ya nagagawan nisengeg ed sikato.”
"Nengnengen tayo natan no panoy impakasabi tod
Religion Katolika yan kaisipan ya anggapon naalmod
Biblia tan ontanmet ed Masanton Evangelio. Ni si
Moises ni si Jesukristo agdan balot asalita tan sa labat
so pasen ya akasalitaan ed saray Makabeos masiadon
makulang, tan saya ni nimet ya libro inbagay Concilio de Laudicea ya anggapoy katuaan to, tan say Santa
Iglesia Katolika inako to labat ed bandad unor laran
panaon. Diad religion day manisiad tilatila ran diosdios anggapo met so miparad sikato. Say pasen na
libron manngaray Aliae panduntur inanes(5) a mabetbet a sasalitaen nen Virgilio ya akasengeg a si San Gregorio el Grande et sinalita toray kamareruan nalner, a si Dante et pinanoan to komon ya impaliwawa ed
__________
(1)Jesus, Mana tan Jose.
(2)Bulong a beninditaay Domingo de Ramos.
(3)Kandilan beninditaan na pistay Purificacion on6 Candelaria.
(4)Alablobas a pananisia.
(5)Saray arum manbitbitin irad anggapo.
