sikatayod bilay aya nisesengeg ed saray kasalanan tayo.”
“Agi, agay met lay San Agustin!’’ kuanen Don Filipo; “kulang toni paniirap ti dia labay tonin nasuldongan!”
“Ontan so kipapasen: saray arum manisia ra; saray
arum, andi. Tan anggaman inako la nen San Gregorio
ed inbaga ton de quibusdam levibus culpis esse ante judicium purgatorius ignis credendus est,(1) anggapoy petepeteg a malinew a nipaakar ed sikato anggad taon ya 1439 odino kayari inlabas na walon
lasus taon, nen say Concilio(2) ed Florencia et inbaga
to ya kapilitan a walay apuy a makapalimgas na kamarerua ray ompapatey ed grasiay Dios ya agdani abayaran ya amin so kinolangan da ed Madios a Kaptekan.
Diad kaonoran say Concilio Tridentino ed silong na pakauley nen Pio IV nen taon a 1563, ed impanuonteng
dan XXV, impaakseb toy ganggan nipaakar ed Purgatorio ya onggapoy onia: Cum catholica ecclesia, Spiritu Sancto edocta(3) ya angibagaan ya saray nitulong day mabilay, a singa pandasal, panpayabol tan arum niran maabig a gawa, sikaray sankaksilan a makaaon ed saray kakamarerua, anggaman sankamanonaan ni nen saraya so misa. Saray protestante ag ira manisia ed Purgatorio, ontan da met na Paparin Griego ta diad pakatalus da anggapoy naalmo ra ed Biblia ya pakapangikukuan day panisia ra, tan say kuanda so say panaon a pakagaway kaabigan odind kaugsan a pakagamor ed nanariay tawen odind kapelagan ed Inpiernos, mangangga edoras na ipapatey, tan say Quodcumque libaberis in terra(4) aliwan kabaliksan toy usque ad purgatorium, etc;(5)
nayari balet a yebat ed saya ya lapod say Purgatorio et
walad pegpegley na mundo, wala sirin ed silong na pakauley nen San Pedro. Et agak nasumpal no ibagak dia natan so amin ya asalitan nipaakar ed Purgatorio. No labayon tungtongen tayo ya, pasiar kayod man ed abong na
sakey ya agew ta anggapod may makasbel tan maka-
__________
(1) Nakaukolan a sisiaen ya walay Purgatorion panbayaran iray kasalanan a melag kasakbayay kaonoran ya ukom.
(2) Pantutogiop daray obispo na Iglesia Katolika ya pangunteng tan pandisidi na saray sisiaen tan say diseiplina.
(3) Maniapod say Ina tin Santa Iglesia Katolika ya imbangat na Espiritu Santo, etc.
(4) Amin a takeren yo diad dalin.
(5) Anggad Purgatorio, etc.
