girogiro ed sikatayon mansupiatan tan manbasay liblibro. Natan ompatanir ak la; agko amta no akin et
say panangasi ray kristiano abuloyan toy mantakew
ed sayan labi ya ‘mankamareruan’ kuan — tan sikayo
met ya walad pakauley et paulian yo — kanian mapagpaga ak ed saramay liblibrok. No komon ta ‘kamareruaen’ daran basaen anggapoy wala, balet ta amtak a
dakel iray labay daran poulan a diad panagnunot da
sakey yan panangasi ed siak, tan sayan klasi panangasi
ya makanepegan ed kinen Califa Omar,(1) tatakutan.
Wala ray manisia ya masulosulok la rayan liblibro ya
kapelagan kod Inpiernos....”
“Manisia kayo balet anganko ed andi anggaan a dusa?” kuanton manimimis a tinmepet si Doray a nitan lan awit toy pananginay ngalab a panpopoulan toy amagaan iran bulong na niog a sansananey so asewek dan ambalbalingit.
“Agko amta, ali, no antoy napaabig a gaweey Dios ed siak!" kuanton inmebat nen masiken Tasio ya singa mannonunot. “No manpapanabos ak la yapireng koy inkasiak aya ed Dios, ya andi pagpaga; gaween to lad siak so napaabig to. Wala balet so sinmebang ed siak a kanunotan natan."
“Anto tan a kanunotan ey?”
“No say makasegep ed tawen et sara labat so katoliko tan limara labat kapag sanlasus ed saraya, unong na
ibabaga ray dakel a kura, tan saray katoliko et kakalabindua ra labat na totood tapew na dalin, no sisiaen
tayo ray manangalay censo, no ontan sirin, kayari ran
naplag ed Inpiernos so libolibon laksan totoon inaatey
kaleganan day ag nabilang lan linmabas a siglo kasakbayay inakseb na Manangilaban ed dalin, tan kayarin
impapatey so anak na Dios nisesengeg ed sikatayo, nilaban labat so limara kapag sanlibo tan duanlasus? Agmet nayari, lablabay kolay manisia tan mankuan a
_________
(1) Say salita ya Califa kaparay Ari, tan sikatoy ikakana ray Arabes (to toon taga Arabia) nen inmona ran panaon. Say labay ya ibaga na salita ran “panangasin makanepegan ed kinen Calipa Omar” so sakay a panangasi ya makaderal, nipapaakar ed panderal ond pamaandi na bengabengat la ya isisipen day mangagawa ya, pangiiter day kaabigan. Sakey sirin a panangasi ya makapairap tan anggapoy niiter ton kaabigan a say nansengegan ono nanggapoan dara nian abitla laran salita say impamapool nen Califa Omar na baleg a library ed siudad na Alexandria ya oniay walad ulo to: no say lugan lug:
dara nian liblibro et miparpara ed ibabagay Koran (ngaran yay libroo ya ipapasen day Mahometanos a sagrado, singa bilang say Biblia ed sikatayo), ang gapoy kakanaan da et no andi, makaderal ira; kanian poulan iran amin.
