singa si Job ya: ‘Ontan la kasi sebeg mo ed sakey a
bulong ya ipapalir na dagem tan aboten mon ag tondaan
so guyem?' Andi, agla nayari tan a kasegsegangan,
tan say manisiad saya singa mansasalitay ambelat a
sumpad Dios, andi, andi!”
“Antoy gaween! Say Madios a Kaptekan, say Madios a Kasimpitan....”
“Ah! Sa balet so Madios a Kaptekan tan Kasimpitan, sankanengneng dalay arapen kasakbayay impamalsay sansinakoban!” kuanen masiken ya inmebat ya akigtot tan bansag na inalagey to. “Say impamalsad too aliwan kapilitan, nayarin pinalsa nayarin andi, tan say Dios agto komon pinalsa no diad pakapaliket tod sakey et dusaen to balet so nilasus ed andi anggaan a segsegang ya andi arum met a makasengeg no ag labat kasalanan a tawir ono kasalanan ya agawa labat ed sakey a bekta. Andi! No tua tan magmaong lan tikelen yo latay anak yon melag a laki ya naugip ditan ay; no satan a pananisia et aliwan salitan ambelat ya sum pad satay Dios a Sankaronungan, si Molok sirin a gagalangen day fenicio ya manbibilay ed totoon ibabagat darad sikato tan dala ya andi tilol, ya popoulan irad eges to so ugugaw a sinasamsam ed pagew tan taklay day kainaan da, satan a dios ya maruksa, satan a dios a makapataktakut, manmaliw laingen sirin no yabay ed Dios tayo ya aliling na sakev a maletey a marikit, sakey a kaaro, sakey ya ina na talbay pinalsa!”
Tan napnoy takut, si nanlaring ono makabat a masiken inmakseb lan batik ed lansangan ya anta onman lay uran tan bilonget.
Sakey a makaseleng a kirmat ya iba toy makapataktakut a tanol na karol a singa nansibuag na apuy, sinilewan toy masiken ya akatagey iray lima ton akaarap ed tawen, tan kuanton makmaksil:
“Agka onabubon! Amtak ta aliwa kan maruksa, amtak a manepeg a tawagen takay Sankaronungan!”
Manbetbet so kirmat tan mankasil so bagyo.
