atabonan a tampol na makmaksil a karol ya egeeg toy
alimbaway libolibo.
“Agi! no wala ita komod abong ed abay di ina!” kuanen melag ed makalkalnan bosis to,” agak diman antakut!”
Ag inmesel si pangoloan ya nengnengnengen to may natutonaw a lilin, et singa kusokusoy nunot to.
“Diman anggapoy mangibagan mantatakew ak!” kuan lamet nen Crispin, “ag ira abuloyan di ina! no amta ra labat a kakabilen da ak........ ”
Impaliis nen pangoloan so mata tod silew, intangwa toy ulo to ya kinetket toy malmalet imay lubir a baleg insan to binintol a pinasia tan nangel so malinlinew a tanol na kampana.
“Onia lan lanang so bilay tayo, kuya?” kuanton tinmepet lamet si Crispin. “Nasakitan ak komon nabuas ed abong, mansakit ak komoy andukedukey ta piano iwiyen da ak di ina insan agda ak la papawilen diad konbinto! Diad ontan anggapoy manawag ed siak na matakew, tan anggapo met so mankabil ed siak! Sika met, kuya, say maong nasakitan ka met.”
"Aleg!” kuanen pangoloan ya inmebat; “ta ompatey itayon amin: ompatey ira di ina ed ermen, tan ompatey ita ed eras.”
Ag inmesel si Crispin.
“Pigaray awaten mon sueldom ed sayan bulan ey?” kuanen Crispin a tinepet kalabas na aganon bekta.
“Duay pisos ta minulta daak ya amitlo.”
“Bayaran mo latay ibabaga ran tinakew ko ay pian agda ita tawagey matakew; bayaran mo la, kuya!”
“Ambagel ka amd, Crispin? Antoy panbilay di ina ey? Say ibabaga nen sakristan mayoi' a tinakew mo duaran onza, tan say duaran onza talomplo tan duay pisos.”
Si melag nanbilang ed garnet to ya anggad impakasapot tod talomplo tan dua.
“Anemiran lima tan duaran garnet! Insan kapag sakey a garnet, pisos,” kuanton makalkalna ya mannonnunot. “Insan kapag pisos . . . pigaran kuarta ey?”
“Sanlasus tan anemaplon kuarta.”(1)
“Sanlasus tan anemaplon kuarta? Panmaliwen a
__________
(1) Kapara toy sanlasus a sentimos natan.
