- Si Basilio ag lawari onlilinawa; akaalagey a mantatalineng, manmoldag iray mata to tan akaelet iray
poniti to.
“Kapigan kasi pakasarag ko lan manbaka!” kuanion inmeremere, insan batik ya inmakseb.
Kasabi tod koro, nantalineng lamet; sankarengel toy bosis nen agi to ya masigsiglat ya onaarawi, tan say eyag ton “Ina”! Kuva! ” narep ya aminpinsan nen alalkab a nikapot so sakey a pinto.
Manggiwgiw, manlinglinget tinmondan agand. kinetket toy poniti to pian ag onbesngaw so eyag a manlalapod puso to. insan lingawlingaw dimad simbaan a samsamet naliliwawaan ton may melag a lamparaan a larak a wadmad bandad altar; samay impaalagey a terekay kandila wadmad pegley; akakapot ya ami pinto tan saray dorongawan niririjasan iray balatyang.
Kasanlilikna si Basilio batik a pinmawil a sinmegep; nilagsanan to may piso ya kawalaay sinelselan a kandila, sinmegep ya anggad mad komatlon piso, inukbar to ramay lubilubir ya insisinger ed saramay kampana, insan magangganat lamet ya inmakseb ya amoti lupa to tan mandarlang so mata to ra.
Ontutonda lay uran, mankakalkalna met lan manwawakas so tawen.
Impansosuldongan nen Basilio ra may lubir, intaker toy sakey a sampot ed sakey a lusek na barandilyas, insan kinmaroskos ed paway na dorongawan ed onman lan bilunget ya alingoanan to lan inerep imay silew na kandila.
Nagogonoyan ed saya, wala ray nangel a bosis ed sakey a lansangan, tan walay paltog ya amidua; anggapoy angasikaso, tan pinmawil lamet ya amin ed kareenan.
