Ambilbilunget so labi. Mareereen laran naugip so katoowan. Saray kabolegan ya agda alingoanan iray inaatey da, manpapainawa met laran malinlinak so kanunotan da: nandasal iray masimoon ya iba toy requiems,(1) nanlumpos irad nobinas da, tan angiterek iray akamayamay a kandila ed arap daray masagradon talintao. Saray mayaman tan walay pakauley anumpal met laray nabebetangan da ed saray kakanayon dan amatawir ed sikaray kayamanan; diad kaimbuasan mimisa ray talora ya nayarin imisay kapag sakey a pari, mangiter iray duay pisos a sakey a misa lamet ya ipabtang dad kamareruan labay dan panginunotan, insan ira manaliw na Bula ray inaatey ya napnoy indulgensia. Diad katuaan Say Madios a Kaptekan singa malokak ni nen say Okum diad tapew na dalin.
Sa balet so masegsegang, say onkukulang a ngalngalin agto naalmoy panbilay to ya nakaukolan a palkapan toray directorcillos, escribientes. ton sosondalo
ta piano makapanbilay a mareen, saya aliwan malinak
so ugip to ya unong na isip tan ikakanta ray omaanlong,
ta saraya agda anganko asali napipildit ed kairapan.
Say masegsegang, maermen tan sinonunot. Saman a
labi, no bilang ta daiset so dinasal to, akikasi balet a
maong a napnoy ermen iray mata to tan manages so
luay puso to. Angrapo ray babasaen ton nobinas, agto
amta ray jaculatorias, ontan da met na anlong tan oremus a ginagawa ray paparin pandasalan da ran may totoon anggapoy kanunotan tan liknaan a dili. Sarayan
dasal agto met ira ingen natalusan. Say dasal to manlalanod segsegang ton dfli: pannangisay kamarerua toy
dflin irirap to ra tan saray pinabli ton inaatey a pana-
_________
(1) Dasal a para saray inaatey.
