ngaro ray sankabalgan a kayamanan to nen saman.
Saray bibil to nayari met ingen a manbitla ray dasal
a nantekep na dayew, balet ta diad dalem, diad kanunotan ton dili maneyey tan diman to idadalem ya inaangis so kairapan to ra.
Napaliket kila kasi, Sika ya benindisionan mo tan inararom so kasegsegangan, tan sikayon maniirap a kakamarerua ed yanoyanon dasal na pobri ed arap na in pinta labat ya estampa, diad makuyep a liwaway timsim, ono labay yo pa lagi ankakabaleg a kandilan sinelselan ed arap na talintaoy Santo Kristo ya singa managagos so dala ed sugasugat to ra, tan Virgen iran masimsimpit so sungot da tan nanmata ray salming tan saray misa ed latin a dadasaley parin singa labat mansasalita ya anggapoy walawala? Tan sika met Religion ya inggana kad maniirap a talbay kapinalsaan, alingoanan mo la kasi gagalam a pamalemew mod kairapan day masegsegang tan pamatulok mod tagey na linawa ray mapasang ya atagtagey ed pakauley, tan bukor labat na napaabig mon gaween natay mangiter na mababig iran sipan ed saray mangayaman ya walay pakabayar dad sika?
Say masegsegang a balo banbantayan toy labi ed abay day anak ton naugip; nonunoten to ray bulas a nakaukolan ton saliwen pian nainawaan iray kakamarerua ray inatey laran ateng to tan asawa to. “Pisos”, kuantod inkasikaton dili, “say pisos sakey simba lan pakaliketan day anak ko, pakapanganan da tan panimimisan da, ya tipon koyan sakey bulan.......... nipalitan ko la lagi anakon bii na sakey a kawes to ta manmarmarikit met la.” — ‘Balet ta nakauko lan ya erepen mo tan ya apuy . . . . !’ kuay nangel ton bosis na nansirmon, ‘nakaukolan moy mantepel.’ — On, nakaukolan! Say Simbaan agto ra aonen ed Purgatorion gratis so kamarerua ran pinabpablim; ag met manpalangkap na bulas. Nakaukolan a saliwen mo, kanian kapilitan ya agka onogip na labi ta pian makakimey ka. Paulian mo latay apilatpilat a kawes na anak mon bii, manayunal ka ta say tawen mabli! Singa tua la amo ya saray masegsegang et ag ira makasegep ed tawen.
Sarayan kanunotan singa ra mantektekiab ed sa man a mainget a pasen a nanlaetay datal ya angibilka-
