gay ikamen tan wanan ya angisabitay anduyan a panugugipay ugaw a melag. Saya, mabolbulos tan balibali kalilinawa to; balet ta no arum singa manggagatgat
a mantaknol so sangi to: lapo lagid narasan, tan say
eges to ya ag kalamor nakda ta makulang so inter dad
sikatoy agagi toran pangoloan, mankokogip a mangakan.
Mangankanta ray piaes ed tono ran apasakey a bosis day nilalaok ed oni ray bigibigis ya akaamot ed dikadika ono say koliglig ya ompapaway ed abot ton mananap na kanen to, tan say tuko a yoolop to met so panggikgik to ya ibutbutay toy ulo to ed longog na kiew iran namimigmig. Saray aso mantagtagloong irad lansangan tan saray makakangel a matakot tan manisiad anyani alutoluto lad linawa ran makakanengneng iray kakamarerua. Balet ta anggan saraman ya aso tan saraman a bigibigis agda nanengneng so ontan lan karakel a irirap tan kaermenan day katoowan!
Dimad paway na baley ya akaren bilang na sakey oras ed kaarawi, so panaayamay ina nen Basilio tan si Crispin. Manbibilay kalamor a yoopot toy inkasikato ed panpapabaleg tod saray anak to, sanleganan nen masiken ton yatawyataw tan mibubulang. Say pakapannenengneng dan sanasawa mataltalag tan napnoy kaermenan. Si laki kinankaninot ton inopot ya inlako so wala ran alajas nen asawa to ya iniinom na alak, tan inpapatalod sugal, tan nen naopot lan amin ya anggapo lay niiter nen Sisa ya nigastos tod panbisio to, ginapoan ton kinabil. Anlemek ya ugali, ya lalon onkakanay puso to nen say ulo to, si Sisa, bukor na amta toy mangaro tan onnangis. Sakey a biin Dios toy asawa to, tan angel toray anak to. Tan si laki balet ta sikakabat a peteg ed panangaro tan takut na asawa to, aagamilen to met so kagagawa ray tilatilan dios ya inagewagew a manloor so duksa tan sebeg to, tan ontan met a mantuloy panangipasoot toy panaglabay to.
Nen aminsan a binmutay a nagkalaloy bilunget na lupa to, impanon nen Sisa so kanunotan ton mangiloob a sakristan ed kinen Basilio. Ag tinmondan mamopuyok na sankabenbenan ton manok ya ibubulang, agto met inbagay on ono andi, no agta tinepet to labat no dakel
so sueldo to. Si sisa agto la inpasoot, balet ta manlapod anggapo lay napanmulaingan toy panbilay da tan
