buasan ta no mimisa ni andukey so kaabala to ta sakey
a duay oras so panakar ton pawil patubo no onlad baley — napasoot kan mankasalanan no wala kad kapobrian! — Kasompal tod gawa to intolor ton tampol et si
amagawa ag met angiter na kuarta no agta insipan
to labat lan bayaran to.
Sanagew a pinunot to tan pitalaran to lay panliket dan saniina ed saman a labi. Akabatan ton ompawil iray anak to tan ninunot toran tadiaan. Analiw na tinapa, nanborbor na balibali ran kamatis ed tanaman to ta amta ton sikarayay sankagustoan nen Crispin; linmad kinen makabat a masiken Tasio ya anggaman kapalduay kilometroy kaarawi abong to, ya akikerew na pindang ya animolok tan sakey a sali paton atap, ta kalablabayan iraya balet nen Basilio. Insan napnap noy ilalo, inluto toy ampotipotin belas a kinokopkop ton dildilid man ed kiskisan. Saramay imparaan to singa la pistan baleg day anak to!
Agay la balet so kasulitay palar a nibanan binmutay si asawa to, tan kinan to may niluton ampotipoti, pindang ya animolok, sali pato, limaran tinapa tan amin a kamatis. Si Sisa ag inmesel anggaman diad liknaan to et singa sikaton dili kakanen da. Nen nakselay asawa to anunotan ton tinepet iray ugugaw. Akaimis la kalamor si Sisad satan tan malikeliket, ya ingana to lad nonutoy agla mandem ed saman a labi ta kulang lan pandemay talora may nakdaan. Masarag lay impanepet na ama ed saray anak to, masulosulok laman a pesel to ya anggano agla mangan.
Inala nen asawa toy manok ton ibubulang insan oonla la.
“Akin, agmo lara labay a nengnengen?” kuanton tinmepet a giwgiway bosis to; “say kuanen masiken Tasio naabala ray daiset; makabasa lay Crispin insan . . . . . awit nen Basilio angankoy sueldo to.”
Kangel tod sayay onor, tinmonda ya singa manduaruwa, balet ta analoy angjel a bantay to:
“Itilakan mo ak siri pisos,” kuanto, tan imanla.
Mannangis a napnoy ermen si Sisa, et nen anu notan ton onsabi laray anak to, pinukpukan ton pinaer so mabalagabag iran lua to. Nanluto lamet insan to
inkalot imay taltalora lan tinapa ya nakdaan.
