Kanengneng nen kura ed lima ton asugat, dinago toy
ugaw ya tinatalpakan tan indedepak, saya balet agla
onggalagalaw tan agmet la imneyag; atolfn tan ambasay panlalapuan to . . . (1)
Binangon nen Sisa.
“Akin ka? Akit mannangis ka?”
“Kinugip kon . . . . Dios ko!” kuanen Basilion midio binmangon a nalpey na linget. “Kugip labat; Ina, kugip labat kuanyo pa, kugip labat!”
“Antoy kinugip mo a?”
Ag inmesel si ugaw. Inyurong ton pinunasan toray lua to tan linget to. Ambilbilunget dimad alulong.
“Sakey a kugip, sakey a kugip” kuanen Basilion umanumanen.
“Tungtong mod siak itay kugip mo ta agko lan lamang makaugip,” kuanen ina nen indukol lamet nen anak to.
“Kinugip kon linma itayon nandukdok na dawa ed sakey ya uman napnoy rosrosas. . . . .” kuantod abeban bosis; “saramay bibiin wadman napnoy dawa met so buksot da. . . . ontan da met iramay lalaki tan saramay ugugaw met .... Agko la nanunotay arum Ina, anggapo lay nanunotan ko!”
Ag inpasuot nen Sisa, ta agto met lan lamang manisiad kugip.
“Ina, walay anunotan kod sayan labi ya maong a gaween,” kuay Basilio ed nagogunoyan.
“Anto tan ey?” kuanton tinepet.
Ta si Sisa lawas a maoyamo, maoyamon anggad saray anak to, ta ipapasen ton makalakal ira nen sikato.
“Agko la labay so mansakristan!”
“Auto?”
“Dengel yoy anunotan ko, Ina. Sinmabi natan a nanlapod Espana so anak nen Don Rafael aman tan anganko maong a ugali ya singa si ama to. Kanian nabuas ala yo lay Crispin ed konbinto, singil yo met lay sueldok tan ibaga yon onekal ak lan sakristan. Kaabig ko, laen koy Don Crisdstomo tan pikasik ya akuen to ak a pomapastol na baka tan dureweg; sarag ko ta ba
____________
(1) Kugip may katuaan anggapo yan nangelan min nipaakar ed anggan siopan pransiskano; wala balet so asalitan milublubayan ed saya nipaakar ed Padre Piemavieja ya agustino.
