leg ak met la. Si Crispin manaralad man ed abong nen
masiken Tasio ta ag mankakabil, insan maong met a
too anggaman ag sisiaen nen kura. Anto ni takotan tayod kinen pari kura ey? Napairap toni bilay tayo nen
say paniirap tayo natan? Manisia kayo, Ina, maong
a tooy masiken; aminpigak ya anengneng ed simbaan
no anggapoy too, ya manaltalimokor a mandadasal, sisia yo ak. Sikato Iatan sirin, onekal ak lan sakristan.
Dagdaiset lan lamang so sueldo, insan naopot nid multa!
Sikatoyay ibabaga ran amin. Manpastol ak tan no asikasoen kon maong iray ayep ya ipiya rad siak naaro
ak na akankien. Agla piga no abuloyan da itayon mangatas na baka pian makainom itayo met na gatas, laba
labay nimet nen Crispin. Opay makaamta! nayari ni
ingen ya itdan da kayoy sakey a bakan kilaw, no maong
so panagkimey ko; pabalegen tayod satan tan patabaen
tayon singa samay nganak tayo. Manborboi' ak na bungabungad mad takel insan ko ilakod baley a pati saray
pising ya itatanem yo; dakel so kuarta tayed satan.
Manggawa ak met na kalot pian makarel ak na manomanok tan pusan balang, manala ak na sirad ilog, insan
no ombaleg ak la manganop ak. Nayarian ko met so
mankiyew na ilakok ond irigalok ed amok ta piano makaliliket. No sarag ko lay manbaka, kerewen ko met ya it
dan to ak na meleg a dalin a taneman koy unas ond mais
ta piano ag kila mandait ya anggad pegley labi. Makasaliw itayoy kawes tayon baled satan no pista, mangan itayoy asalian tan ankakabaleg a sira. Insan agak
ataker; makapannenengneng itayon agewagew, makapandorongo itayon mabetbet. Insan si Crispin ta unong
na kuanen masiken Tasio et maong a ulo, ibaki tayod
Ibale ya manaral. Mankimey ak ta panaralen ko, anto
Ina? Mandoktor, antoy kuanyo?”
“Antoy kuanko, anako ey, no ag on?” kuay ebat nen Sisa ya nilakap to.
Naimano to ya si anak agton balot ibibiang si ama to ed pannonunot toy arapen tan mannangis ed kabukoran to.
Nanbabangil ni inbabaga nen Basilio nipaakar ed kanunotan toran gaween, ed panagsalsalita ray walad kaugawan a singa madmainomay ya amin ta say nanenengneng da labat et samay labay dan nengnengen. Maabobon met si Sisa ed amin ta marakep met so pa
