simba taloran induljensian nagnap so nalak tan innunot ko rad kamarerua nen asawak.”
“Aliway ginawa yo, Hermana Juana!” kuanton may apabardng nen pari Salvi ya Hermana Rufa. “Susto lay sakey ya induljensian nagnap a mangaon ed sikatod Purgatorio; ag manepeg a dardaraken iray masantos ya induljensia; alig yo ak.”
“Say kuankod inkasiak, lalon abig no dakdakel!” kuay ebat nen yanoyanon panagnunot ya Hermana Juana ya makakaimis. "Mayapa balet, antoy gagaween yo ey?”
Ag inmebat a tampol si Hermana Rufa: kinmerew ni gagalen, ginmagal ni, pinariasan toy mata ramay wad man a mareereen ya ontatalineng ed sikato, inlingaw ton linmokda, insan inkuanto, ya manggagatgat na maskada:
“Siak agak mandadarak na anggan saksakey ya agew a masagrado. Nanlapod inloob kod Hermandad akala ak lay apat a lasus limanplo tan pito ya induljen sian nagnap, tan piton lasus anemaplon libo, liman la sus siamaplo tan waloy taon ya induljensia. Isusulat kon ami nanaalak, ta siak labay ko lawas so malinew a kuintaan; agko labay so manloko, agko met labay so paloko.”
Tinmondan aganoy Hermana Rufa tan intobat to lamet so panggagatgat to; saramay bibii nengnengnengen dan napno ray kelaw, saman balet so lakf ya mamaspasiar, tinmonda tan inkuanton nantarok na panlemlemew:
“Siak, saya labat lan taon masulok lay apatiran nagnap so nalak nen sikayo, Hermana Rufa, tan mas dakel ak ni sanlasus taon, anta saya nimet ya taon agko nandasal a maong.”
“Dakel ni nen siak? Dakel ni nen say anem a lasus walomplo tan siam a nagnap tan siam a lasus siamaplo tan apat a libo, walon lasus limamplo tan anem a taon?” kuanen Hermana Rufa ya inmoges so linawa to.
“On, apalagsanan taki ni waloran nagnap tan san lasus tan labinlimay taon, ya legay pigpigay bulan itan,” kuanto lamet nimay laki ya manbitbitin irad beklew toy eskapulario tan balbalsakan iran maringdingot.
