"Ag pankelawan," kuanen Rufa ya inako to lay inkatálo to; "sikayo met manayay maistro tan ouloey luyag!"
liket.
Akaimis imay lakí ya apakpaknaan ton makali "Aliwan panagkelawan a tua ya dakel ni naalak nen sikayo; nayarian ko ni ingen ya ibaga ya anggano naugip ak et makakaala ak na induljensia."
"Antoy gagaween yod nanaala yon induljensia maistro ey?" kuay apatirá onó limaran bosis a tinmepet a nanbabansag.
"Psh!" kuanton inmebat imay lakí ya tekep na nagnagnap a panmurmura ya inpatnag tod lupa to; "isibsibuag ko ra labat ed nambabangil a pasen!"
"Ah, satan ingen so agta kayo nayarin dayewen, maistro!" kuanen Rufa. "Panpurgatorioan yo tay panagdarak yoy induljensia! Amta yo la kapag sakey a salitan andi kakanaan panliknaay apataplon agew ed apuy, unong na kuanen kúra; kapag sankarangan ya idaramey a nadarak, anemaploy agew; kapag sankaterter a danum, duamplon agew; anggapoy sapo ya onla kayod Purgatorio!"
"Andibali ta amtak so ompaway!" kuay inebat nen Hermano Pedro ya malmalet so pananisia tod nagawaan to. "Akamayamay lay naaon kon kakamareruad apuy; dakerakelay apasantos ko! Sakey ni in articulo mortis nayarian ko ni makala no labay ko na sankaraisetan lay pitoran induljensian nagnap, kanian makaaon ak ni arum va anggano manpapanabos ak la!"
Tan kapangibalikas toy onia inmarawi lan nengnen tov ag manoitaltalek.
"Ontan man," kuanen Hermana Rufa; "nepeg yo ak ya aligen ya agak mandadarak na anggan saksakey ya agew tan malinlinew so kuintak unong na kuanko la, agko labay so pasaol agko met labay so mansaol!" "Panoy gagaween vo ey?" tinepet nen Juana.
"Nepeg yo ak ya aligen. Alimbawa: singa bilang makala ak na sakey taon ya induljensia; ikurit kod kuadernok tan ikuanko: Mapalar ya Amák a Santo Domingo, kasian yo ak pan nengnengen no walad Purgatorioy sakey a kamarerua ya nakaukolan toy sakey (1) No ompapatey ak la.
