taon ya ag onsulok ag onkulang. Manbontatok ak na
lupa ono krus, no ompaway so lupa, anggapo; no om
paway so krus, wala. — Ipasen tayo bilang ya ompaway
so krus, diad satan isulat ko so — ‘asingil’; ompaway
bilang so lupa? No ontan wala nid siak so induljensia.
Insan kod satan pantitipunen ya ilista ed sakey a pasen
so amin a nalak ya induljensian sansakey taon. Agay
lan ag nayarin gaween ed induljensiay singa gawad
kuarta ya ipaabang; ta no nayari ya, lalon dakel ni
naaon a kakamarerua. Manisia kayo, alig yo ak.”
“Siak mas maong ni gagaween ko,” kuanton inmebat nen Hermana Sipa.
“Anto? Lalon maong ni?” kuay Rufa ya nikelawan. “Ag nayari! Anggapo lay maong nen say gawak!”
"Dengel yo pian manisia kayo, Hermana” kuanen akulaw Sipa ed tonoy bosis to ya amagamaga.
“Dalipa, dalipa! Dengelen pa sirin!” kuandan may arum.
Inmokok nimay akulaw insan inkuanto: “Anita yon petepeteg a diad pandasal na Benditakad-kasimpitan tan Katawan-kon-Jesucristo — Amansankasamitan — lapod-samay-liket — makaalay samploy taon ya induljensia kapag sakey a letra ”
“Duamplo! — Andi, kulang! — Limara!” kuay pigaran bosis.
“Masulok na sakey, kulang na sakey, kapara to la! Natan: no walay ugaw ko, bii may laki, ya makapisit na lipong, inoman, odino lusor, etc., padukdukon amin so betabetag ya anggano ankekelag, insan kapag sakey ya anggad kamelmelagan nakaukolan a pandasalan toy sakey a “Benditakad-kasimpitan” tan “Katawan-konJesuserito” — “Aman-sankasamitan-lapod-samay-liket,” tan saray naalak ya induljensia ipabtang ko rad saray kakamarerua. Diad abong saray pusa labat so ag makaamta rayan dasal.”
“Saratan balet ya induljensia say makakaala saray ugugaw yo, aliwan sikayo, Hermana Sipa, ” kuanen Ru fa, ya singa ag mipakna. “Sara balet so lusolusor ko tan liplipong ko, siopay manbayar ey? Sikara apakpaknaan dara tan a panagbayai’ tan ontan ko met; agko ra kakabilen, tingkol labat bilang no maminsan odind karut..........”
