"Aligen ta kayo!" - "Gaween ko met itan!" "Siak
met!" kuanda ranmay bibii. "No say lipong balet et
apaldua ono nankatlo labat ey, dagdaiset so nala yon.
induljensia!" kuanen Rufa nin siansia ya ipasout, ta
anawet so uló to.
"Ah, pandasalen ko lan lamang ira, ikolak so lipong, anggapoy adarak." Si Hermana Rufa anggapo lay nibaga ton nisom- lang.
"Abuloyan yo ak pan manepet na sakey a panduaruwaan ko, kuanen Juana ya nasisikig. "Sikayo natalusan yon maong so amin a nipaakar ed Tawen, Purgatorio tan Inpiernos. . . . siak, akoen kon anggapoy amtak."
"Tepet kayo labat!" G&F
"Mabetbetbet a narurumog kod nobinas tan arum niran liblibro yan bilin: Taloran amami, taloran ave María, tan taloran nagalang.
"Eh, . . . . . akin ey?
"Labay kon amtaen no panoy panagdasal ed saraya: taloran amamin mantotumbokan, taloran ave Marian mantotumbokan, taloran nagalang a mantotumbokan, odino mamitlon sakey ya amami, sakey ya ave Maria tan sakey a nagalang?"
"On, ontan: mamitlon sakey ya amami. وو "Itepel yo ak, Hermana Sipa!" kuanton sinmalangat nen Rufa; "aliwan ontan so panagdasal: saray lalakí ag ira manepeg ya ilaok ed saray bibii; saray amami sikaray lalaki, saray ave María, bibii, saray naga- lang sikaray ának."
"Ay, say baleg a tepel, Hermana Rufa. Say amami, ave María tan nagalang singa bilang niluto, sirá tan salsa, singa bilang sankatompok ya isobod saray sasantos. . . .
"Nalilingo kayo! Nengneng yo, sikayon ontay pa- nagdasal yo agyo nagamoran so kerewen yo!"
"No say pandasal yo met et singa satay ibabaga yo anggapo met so nagamoran yod saratay nobinas yo!" kuay Sipan inmebat.
"Siopay anggapoy nagamoran to?" kuanen Rufa ya inmalagey; "agangganó ni labat so inpakabalang koy belek, nandasal ak ed San Antonio, nalmok, ya alákok nid maong a prisio, je!"
