a tuntonen so kanunotan di amak kanian labay koran kabaten so makakasbel ed ibolaslas na panagbangat
diad sikatayo.”
“Bendisionay baley so pakanunotad sikayo, sinyor, no napanmaliw yon tua ray marakep iran kanunotan di ama yo!” kuanen maistro. “Labayon kabaten iray sebesebel a makakaabalay bolaslas na panagbangat? Nengneng yo, diad kipapasen iran onkukurang natan no anggapoy baleg, masekder, tan masulong a tulong, say panagbangat anggapoy kasumpalan to. Ononaona ta anggapoy makaayat, makatangguyor tan makapaliket na linawa ray ugugaw; tan onkomadua so anggan yan ni bilang a wala raya, naerep ira lan lamang nisesengeg ed kaandi amin a nakaukolan da, tan saray ginmalet laran panagnunot, paga tan takut. Kuanda ta diad Alemania saray anak day taga uma panaralen daran waloy taon ed eskuilaan ed baley. Dia, siopay malabay a mamaloob na anak ton anggano apapat taon, no anggapo met lan lamang so naalan kaabigan ed panaral to ey? Manbasa ra, mansulat ira, manpatlep ira, tan no arum ni ingen et ipatlep day pigapigan libron insulat ed kastila ya anggapoy natatalusan dan anggan sakey a salita.(1) No onia, anto bilang so kakanaan ono kaabi gan a naalad eskuilaan na sakey ya anak day taga uma ey?”
“Sikayo ta amta yoy kawalaay kakulangan, amta yoy panlalapuay kaugsan, akin et agyon balot anunotan a gaweey polaing ey?” “Ay!” kuanton inmebat a manpeyeng. “Say sakey a maistro ya mairap, a bukbukor to, ag nayarin miarap a sumlangen toray ginmalet laran panagnunot, pagpaga tan takutakot, tan ontan met na wala ran mabiskeg iran pakayari. Manonaan la so pankaukolan toy sakey ya eskuilaan, sakey a pasen a biig ya aliwan singa natan a say panbabangatan ko et, diad silong na konbinto ed abay na luganay kura. Diman, saramay ugugaw a maliket a manbasan maksil, tua met lantin naguld ray
(1) Oniay panagbangat nen saman a panaon ed saray ugugaw ya onggapon manaral. Patlep lara labat lan patlep ya anggapoy natatalusan da. Saray eskuilaan wala rad silong na konbinto pian nabantayan iray kura. Say ganggan a manlalapod Espana so ibangat so pansulat tan salita’y kastila, balet ta mabetbet a say dilin maestro ag to met makasalitay kastila tan saray kakastilan mankikimey ed gobiemo ag met ira makapanbangat ta agda natalusay salita diad bansa. Sakey ni, dakel ed saray kura so, ta piano magnaycn so biskeg na pakayari ra, agda kaliktan so kibuyak na salitay kastila.
