pári, ya no arum akseban to kami, lalo la no mauges
so laman to, ingalán toray ugugaw tan pabpabaingan to
Natalusan yon peteg ya no onian kipapasen ag
nayari manbangat tan anggapo met so makaaral;
say ugaw agto italtalek so maistro no nanengneng
ton pantamian dan pabpabaingan et agto nisekder
so pankatunongan to. Say maistro ta piano asikasoen.
dan dengelen na babangatan to, ta piano say pakauley to et ag napanduaruaan, nakaukolan toy seselengen day katoowan, sakey a ngaran a gagalangen,
sekder na linawa ed panggaway maabig, tan daiset.
a pankanawnawa. Itepel yo ak ed pangisalaysay kod
sikayo rayan makapaermen a nambabangil ya agawgawa. Nilabay kon pasimbaloen so gendat lan panangi-
bangat et binalaw tan inelekán da ak. Ta pian nauman
a naapiger komoy kaugsay panagbangat a gendat ya
asalitak lad sikayo, ginapoan kon inbangat so salitay
kastila ed saray ugugaw ta anta igaganggan la lanti
Uley, diad dílin pakaisip ko, ompaway ya onkanan kaabigan dan amin. Inkanak so sankayanoan a panangibangat, ngaran day bengat la tan salsalita ran makanan
inagewagew. Agko ra initday andurukey a taluntonan
ta say walad nunot ko so no natalusan dalay kastila insan ko lara ibangat na gramátika. Kayari pigay simba
saramay maong ya uló natalusan daak la, tan makasalita
met laray daiset.
Tinmondan mansasalita ya singa manduarúwa; insan to intuloy nen apakpel toy linawa to:
"Agko nepeg ya ibaing iray inaakmon kon gawan akapasakit na liknaan ko. Siopaman a walad kipapasen ko gaween to met angankoy singa ginawak. Unong na ibabagak balibali inggapók; kalabas na pigay agew balet inpatawag ak nen pári Dámaso, ta sikatoy kúrad saman, ed kinen sakristan mayor. Lapod kabat ko lay ugáli to, tan antakut kon panálagaren, sinmegep ak a tampol tan inggalang kon inter so maabig a kabuasan ed salitay kastila. Anta say alenleneg ya ebat tod impangigalang ko et say pangidederew toy lima ton panpinsiwan ko, insuner to, tan agto ak met inebatan, no agta ginapoan toy manpandak a napnoy balaw. Agagá ak ya agko amtay gaween ko. Wadman ya akaarap si sakristan mayor. Agko amtay ibagak, sankanengneng ko labat, tan sikato ag ontondan manelek. Ngal-
