ngalin agak makakpel tan singak la sankanengneng ya
aliwa lay nagawaan ko ta nayari met lantin manbansag
ed liknaay too so abig na inkakristiano tan panamabfi
dilin galang. Tepeten ko lawari makasengeg na onman,
nen tinmondan bigla tan ginapoan to ak a pinabaingan
tan minurmura ya nankuan a napnoy katusoan: ‘Buenos
dias, sirin, a? buenos dias! makapalek! Amtan la siri
mansalitay kastila?’ Tan inggapd to lamet so manelek.
Akaimis si Ibarra ya agto apokpokan.
“Makaimis kayo,” kuanen maistro ya akaimis met; “balet ta patuaen ko ya diad saman a bekta anggapoy ganas kon onelek. Manalalagey ak; singa tinmoldy dalad ulok, ya akuliteptepan ak; say pakanengneng kod kinen kura singa arawrawi; dadagoen kon ebatan ya agko man amta no antoy ibagak. Sinabat ak nen sakristan, tan si kura inmalagey ya inkuantod tagalog a mabinbinta: ‘Agka mangisosulong na binayes; pasarag mo latay salitam a dili tan agmo dederaley salitay kastila ta ag ingganad sikayo. Rabat moy maistron Ciruela? Sakey iman ya agto amtay manbasa balet ta walay eskuilaan to.’ Labay koni wari misalita et linmoob lad silir to tan inpalalkab toy pinton inkapot. Antoy naga waan ko, siak a kulang lawarin panbilay koy sueldok ya agko nasingil no anggapoy abubon na kura tan nakaukolan ko ni onlad kapital a mangala, antoy nagawaan kon ontonganga ed sikato, anta sikatoy manonaan a makauley no nipapaakar ed kaptekay ugali tan panagnunot, kurang na politika tan uley ed sakey a baley, a sesekderay Togiop day Papari, tatakotay Uley, mayaman, makapanyari, panangipanonan, dedengelen, sisisiaen tan aasikasoen lawas na amin a too? No pabaingan to ak nakaukolan kon akmonen; ta no ebatan ko, naekal ak ed kipapasen ko, naderal lan anggadangga so anapan koy bilay, tan anggapo met lan lamang so natuboy panagbangat, lalon napauges ni ingen, ta amin a tood satan mila rad kura, busolen da ak, tawragen da ak na mapasirayew, ag mangitaltalek, atagey a linawa, manges a kristiano, manges a inkabangat, no agda ak ni ingen ibagan mamubusol ed saray kakastila tan filibustero ono ontutonganga ed onkukurang ya Uley. Ag kakaukolanen ed sakey a maistro so kakabatan ono katooran ed panumpal na nabebetangan, sa labat so alagden ed sikato, say tepel, pangakmon toy amin a ka-
