babaingan, agto igalaw a mangigapoy antokaman ya
onkanad bolaslas na panagbangat, tan perdonaen ak komoy Dios ed impangitapat koy konsiensiak tan kalakal
kon dili, et antoy nagawaan ko, inanak ak ed sayan bansa, nakaukolan koy manbilay, walay inak a tataganoen
ko, kanian onian mimila ak lad agos na kapalaran a
singa bilang bangkay a patawpataw ed danum ya itatarok na agos.”
“Nisesengeg sirin ed sarayan makasbel, nakalan kilan aminpinsan na liket na linawa tan seseg? Ontan lay inpanbilayon anggad natan a?”
“Oy la komon no aderia ak la!” kuanton inmebat; “ta angangga laray kasegsegangan ko! Tua ta nanlapod saman, binusol koy anapan koy bilay; ninunot koy mananap na arum a kimey a singa samay tinumbokan ko, ta say sakey a kimey no anggapoy liket na linawan manggagawa, lalola ni no ibabaing, manmaliw a masulit a dusa, tan sakey ni, diad pakanenengneng koy eskuilaan nanonunotan kon inagewagew so inkabaingan ko ya makasengeg yay pamapalabas koy ampaipait iran oras. Et antoy nagawaan ko ey? Agko met nibagay katuaan ed kindi inak; nakaukolan ya ipaliknak ed sikara ya saray taloy taon ya impantepel day kakulangan tan impanggimper dad inkasikaran dili na anganggaan ta pian nagamoran koyan anapan, et sikaray mangiiter ed siak na liket ko natan. Nakaukolan ya ipasisiak ed sikara, ya say anapay bumabangat et sankaabigan tan sankagalangan, a say kimey et makapalikliket, say dalan mapatpatar a napnoy karosasan, say panosumpal koy nabebetangan ko et pakakalmoan koy dakerakel a kakaaro, tan say baley et gagalangen tan papablien to ak, ta no agko ya gaween, anta maniirap ak la lanti, napasegsegang ko ni lamet so sakey a too ya anta andi kakanaan layan nagawa et kasalanan ni. Sikaton agak inmekal tan inian kod gagalak ya agko pakapuyey linawak, tan ginapoan kon gaweey anggaay nayarian kon kaabigan.”
Tinmondan agand insan to intuloy lamet:
“Nanlapod samay agew ya inkabaingan koy ansakisakit, inusisak so inkasiak a dili, tan anengneng kon tua ya anggapoy amtak. Labi-agew ya inaral koy salitay kastila tan amin a nipapaakar ed anapan ko; pababayesen ak nen makabat a masiken Ta-
